Levitiku 23:24 - Emakhuwa Bible

²⁴ “Mwaaleele aYixrayeli: ‘Vanihukuni noopacera na mweeri wanaathannamiili nikhaleke nihuku noowiitthuuwa, muthukumano wootteela opakiweke ni oruma wa mapalapatta.

Levitiku 23:24 Iomraidhean Croise

1 Nyaha 15:28

Vano, aYixrayeli ootheene yaahaahoola Arka* a wiiraana a Yave ehakalanleene, ni oruma wa mapalapatta ni mapalapatta a manyaaka ni ikengere, vamoha ni oruma wa atthakare ni amakita.

2 Nyaha 5:13

Yaawo yiipa mapalapatta ni anamwiipa a icipo, ereene murima mmoha, yaamvuwiha emutthapelaka Yave. Moorumani wa mapalapatta, ikengere ni ikaruma sikina, yaakhuwelaxa, emvuwihaka Yave ni yaahiipa moota ola: “Owo ti ooreera; osivelawawe khoommala.” Hiiho, nihutte naasareya Mpaani mwa Yave,

Ezera 3:6

Vano okhuma munihukuni noopacera na mweeri wanaathannamiili yaapacera ompakela Yave sooveleela soohisa, yaaroohipaceraru mathipelo a Empa ya Yave.

Nehemiya 8:2

Vano vanihukuni noopacera na mweeri wanaathanamiili musaserdoti*, Ezera, aaruuha Nlamulo ohoolo wa muthukumano wootheene wa asilopwana, asithiyana ni ootheene yaawera wiiwexexa.

Icipo 89:15

Wooreelihiwa ti muloko onxuttera wookhuwelelani Nyuwo ni oneetta ngwaarani mwa okhalawanyu, Yave.

Icipo 98:6

ni malope ni oruma wa nipalapatta – mukhuwele ni ohakalala vamaithoni wa Yave ori Mwene!

Yesaya 27:13

Nihuku nenenennotho ninooruma nipalapatta ntokotoko. Yaale yaariheenle wAsiriya ni yaale yaatthukingwe, eronghiwaka wExipitu animoowa weera emulape Yave vamwaako wootteela oYerusaleemu.

Levitiku 23:23

Yave aamweerela Moisesi:

Levitiku 25:9

Vano mulamule weera yiipiwe mapalapatta vanihukuni nanaamuloko na mweeri wanaathannamiili; vanihukuni na orehererela wiiwanana ni Yave mwiipe mweelaponimwanyu moothemwene.

1 aKorinto 15:52

wa ehuhu emoha, ngwaaphilani wa maitho, woorumani nipenka nookisera. Vano, nipenka nnirume, akhwiiye eniivenyerere oohiriheya, ni hiyo nnitatuxiwe,

1 aTesalonika 4:16

Apwiya aneenaaya moolamulani, munsuni na ndyelo mutokweene ni woorumani wa nipalapatta na Muluku, eniikhuruwe wiirimu, ni yaawo akhwiiye mwa Kristu eniivenyerere toko.