Levitiku 23:17 - Emakhuwa Bible

¹⁷ Muneeraanyu mmakeru, murwaaneke owaani ipaawu piili soopakiwa ni eferementu ya ikiilu* ixexe sa ephepa yooreerela soowooxiwa ntoko yooveleela yoowiinainihera ya soowiima soopacera wa Yave.

Levitiku 23:17 Iomraidhean Croise

Nehemiya 10:37

Ohiya sikina iyo, nnooruuhela matatha a Empa ya Mulukwaahu ni asaserdoti* mpatta woopacera wa ephepa, mipatta soopacera sa sooveleela sa etrigu, sa soowiima sa nyirisahu sootheene, sa eviinyuwaahu enyowani, ni sa makhura. Nnimwaaruuhelatho aLeevi mpatta wanaamuloko wa soohephasahu, niwoko ti yaawosa anaakhelela mpatta wanaamuloko mmasidadeni moothemwene nimvaraahumo muteko.

Okhuma 22:29

Muhikiimane sooveleela sa matathaanyu naari nipuronanyu noowaama iwuuva*. Mukitteelihere mwaanaanyu a ntthaara,

Okhuma 23:16

Mpake efesta ya ohepha, eyo tiiyo sa soohepha soopacera sa mutekwaanyu woowaala. Mpake efesta ya emalihero ya ohepha ommaleloni wa eyaakha nyuwo mwaathokororaka soohepha.

Okhuma 23:19

Muruuhe Empa ya Yave Mulukwaanyu mpatta woopacera wooreerelaxa wa soohephasanyu. Muhimwaapeye mwaaxaana a epuri mmukakani wa amayawe.

Okhuma 34:22

Muupuwelele efesta ya isimana ni soohepha soopacera sa etrigu ni efesta ya ohepha ommaleloni wa eyaakha.

Okhuma 34:26

Muruuhele Empa ya Yave Mulukwaanyu mpatta woopacera wooreerelaxa wa soohephasanyu. Muhimwaapeye mwaaxaana a epuri mmukakani wa amayawe.”

Levitiku 2:12

Nyuwo munrongheleke yeeyo Yave ntoko yooveleela ya soowiima soopacera, mene muhiveleelele valtaarini* ntoko yooveleela yoowunkhelaxa.

Levitiku 23:10

“Mwaaleele aYixrayeli: ‘Nyuwosa mwaavolowaka mweelaponi kineeraaka koovaheeni ni mwaahephaka, munruuhele musaserdoti* ehupu ya etrigu yoopacera muneeraanyu muhephe.

Levitiku 23:18

Mveleele vamoha ni ipaawusene seiyo iputtiputthi ithannapiili ilopwana, khula eputtaputthi ya eyaakha emoha ni yoohirakala, mwaamombe mulopwana mmoha ni anapunci eeli. Iyo nsikhale soomveleelela Yave soohisa vamoha ni sooveleelasaya sa irooro ni soowura – sooveleela soorehereriwa vayikho, soowunkhelaxa sinimusiveliha Yave.

Levitiku 7:13

Owo aveleeleketho iboolu sooheliwa eferementu vamoha ni yooveleeleene yeeyo ya murettele.

Nuumeru 15:17

Yave aamweerelatho Moisesi:

Nuumeru 18:12

Kinoovahani nyuwo makhura ooreerela, eviinyu enyowani yooreerela ni etrigu yooreerela aYixrayeli eneeraaya emveleeleleke Yave ntoko soowiima soopacera sa ohepha.

Nuumeru 18:13

Soowiima soopacera sootheene sa mulaponi eneeraaya emuruuhele Yave, ti sawinyu. Ootheene a emusaanyu eneera ekhale ootteeleene, eceeke.

Nuumeru 28:26

Vanihukuni na ohepha wa soowiima soopacera, mwaampakelaka Yave sooveleela sa irooro inyowani mufestani ya isimana, mpake muthukumano wootteela ni muhivareru muteko.

Matheyo 13:33

Aahaathaliheratho yoolikanyiha ekina: “Omwene wa wiirimu ori ntoko eferementu muthiyana aakuxalaawe ni aatakansenraawe ni ephepa yincipale mpaka yootheene enanyaruwa.”

aRooma 8:23

Ni khasihiyono paahi seiyo, mene hiyo asineenaahu nookhalano soowiima soopacera sa Munepa, nniipulela mpuwamwahu, niwehereraka ni murima wootheene waakhulelawahu ntoko anamwane ni ovuluxiwa wa erutthwaahu.

1 aKorinto 15:20

Mwa yeeyo Kristu oovenyerera mookhwaani, akhalaka oopacera variyari wa yaale akhwiiye.

Yakobe 1:18

Awo yaalakela oniyara ni masu a ekhaikhai, weera nikhale ntoko soowiima soopacera sa sootheene seiyo Awo apattunxaaya.

Ethupululo 14:4

Awo ti yaawo ahiivalihale ni asithiyana, niwoko khayaakonanne asithiyana, ni antthara Eputtiputthi weiwo entthunaaya orowa. Yaathummwale variyari wa atthu ni yaavahiwa wa Muluku ni Eputtiputthi ntoko mpatta woopacera wa yaale oororomela.