Levitiku 23:14 - Emakhuwa Bible

¹⁴ Muhiceru yooca naari erooro yoowaarikiwa hata ekithi mpaka nihuku nenenenno muneeraanyu munruuhele yooveleela eyo Mulukwaanyu. Nna nikhaleke nlamulo noohimala wa ikhapirasanyu sootheene nakhalaru nipuro muneeraanyu mmake.

Levitiku 23:14 Iomraidhean Croise

Nehemiya 9:14

Mwaahaasuweliha nihukunanyu nootteela na eSaabadu ni mwaahaavaha miruku, ikano ni malamulo mwa murumeiyaanyu Moisesi.

Icipo 19:8

Soolamula sa Yave ti sa ekhaikhai sihakalalihaka murima; malamulo a Yave ti waara ommwaleela muupuwelo.

Okhuma 27:21

Muheemani mwa muthukumano, omokoni wa eluttu yookawanya eri ohoolo wa Namoona*, Aharoni ni anamwanaawe epwahereraseke opattiha onyaari ohoolo wa Yave ekhumelo woosilo mpaka oxa. Nna nikhaleke nlamulo noohimala variyari wa aYixrayeli wa khula ekhapira.

Okhuma 34:26

Muruuhele Empa ya Yave Mulukwaanyu mpatta woopacera wooreerelaxa wa soohephasanyu. Muhimwaapeye mwaaxaana a epuri mmukakani wa amayawe.”

Levitiku 10:11

ni mwaaxuttihe aYixrayeli ikano sootheene Yave aavanghaawe mwa Moisesi.”

Levitiku 2:14

Nyuwo mwamuruuhela Yave yooveleela ya irooro ntoko yooveleela ya soowiima soopacera, munruuhele inuku soottikitthiwa sa irooro inyowani soowaarikiwa.

Levitiku 23:31

Muhivareru muteko. Nna nikhale nlamulo noohimala wa ikhapirasanyu sootheene mmapuroni ootheene muneeraanyu mukhale.

Levitiku 23:41

Mpake yeeyo ntoko efesta wa Yave wa mahuku mathannameeli a iyaakha sootheene. Nna nikhale nlamulo noohimala wa ikhapirasanyu sootheene mmapuroni ootheene muneeraanyu mukhale. Mpake efesta ela mmweerini wanaathannamiili.

Levitiku 3:17

Ela ti ekano yoohimala wa ikhapira sineera sirwe, mmapuroni ootheene muneeraanyu mwakhalemo: muhikhuureru makhura naari ephome.

Deuteronomiyo 16:12

Muupuwelele weera mwaari ipottha wExipitu ni mwiiwelele nnenesene ikano iya.