Levitiku 22:4 - Emakhuwa Bible

⁴ Ahikhaleru a ekhapira ya Aharoni orino makokho hoye hoye enimukhuma ephome, aneera ace yooveleela yootteela mpaka aneeraawe atteelihiwe. Owo onookhalatho oohitteela atava etthu yookhwa hoye hoye ni yamukhuma elopwana,

Levitiku 22:4 Iomraidhean Croise

Levitiku 11:39

Akhwa mwaamunama onkhuuriwa, vano yoole aneera amutave ookhwa a yoowo, onookhala oohitteela mpaka oxekuwa.

Levitiku 15:17

Yakhalaru etthu ya ekuwo hoye hoye exapala eneera ettonyeriwe elopwana, ekatthiwe ni enookhala yoohitteela mpaka oxekuwa.

Levitiku 2:10

Singhala iyo sa sooveleela sa irooro ti sa Aharoni ni anamwanaawe; ti mpatta wootteelaxa wa sooveleela ompakeliwa Yave soorehereriwa vayikho.

Levitiku 2:3

Singhala iyo sa sooveleela sa irooro ti sa Aharoni ni anamwanaawe; ti mpatta wootteelaxa wa sooveleela ompakeliwa Yave soorehereriwa vayikho.

Levitiku 21:1

Yave aamweerela Moisesi: “Mwaaleele ha asaserdoti*, anamwane asilopwana a Aharoni: ‘Musaserdoti* ahithatuwe oohitteela niwoko na mukina a mulokwaawe aneera akhwe,

Levitiku 21:22

Owo aceeke yooca yootteelaxa ya Mulukwaawe nitho yooca yootteela ekina.

Axewu 2:13

Woottharelana Axewu aahaakoha: “Mukina aahitteela niwoko na otava muttembo, vahoolowaya anatava ikina ikina sa itthusene seiya, vano iyo sinookhala soohitteela?” Asaserdoti* yaamwaakhula: “Aani, khasitteela.”

Nuumeru 18:19

Sootheene sineera simwalamwaxiwe eriyari ya soovaha sootteela aYixrayeli eneeraaya emveleelele Yave, Miyo kinoovahani nyuwo ni anamwaniinyu asilopwana ni asithiyana ntoko ekano yoohimala. Ti wiiraana woohimala wa maakha ohoolo wa Yave, wa nyuwo ni ekhapiraanyu.”

Nuumeru 18:9

Wa sooveleela sootteelaxa nyuwo munookhalano mpatta onuureliwa vayikho. Eriyari ya soovaha ankiruuhelaaya ntoko sooveleela sootteelaxa – sikhalaka sa irooro, hata sa soottheka, naari sa nthowa, mipatta iyo ti sawinyu ni wa anamwaniinyu.

Nuumeru 19:20

Vaheera, yoowo ori oohitteela aahiitteeliha, amalamalihiweke mmuthukumanoni, niwoko oovaliha Nipuro Nootteela* na Yave. Khamiseriwe maahi ootteelihera ni owo khatteenle.