Levitiku 22:20 - Emakhuwa Bible

²⁰ Muhimuruuheru mwaamunama oorakala niwoko khamwaakhuleleliwa mwaha wa nyuwo.

Levitiku 22:20 Iomraidhean Croise

Ezekiyeli 45:18

“ ‘Yave onlamula sootheene oneera ha: Vanihukuni noopacera na mweeri woopacera nyuwo munkuxeke mwaamombe oohirakala ni mutteeliheke Nipuro Nootteela*.

Levitiku 1:3

Yooveleela yakhala yoohisa, mutthu owo amuruuheke mwaamunama mulopwana oohirakala. Owo amuruuheke vamulako wa Eheema ya Muthukumano* weera aakhuleliwe ni Yave.

Levitiku 22:24

Muhimupakele Yave yooveleela ya mwaamunama orino ikhete soorakala, soonyaanyeya, soophweeya hoye hoye soothikiliwa. Muhipake yeeyo mweelaponimwanyu,

Levitiku 22:25

hata muhiwaakhele axinama ntoko awo mwa anamarwa weera mwaavahe ntoko yaawo ntoko yooca wa Mulukwaanyu. Awosa khamwaakhuleleliwa niwoko ti oohikwanela ni oorakala.

Levitiku 3:1

Yooveleela ya mukina yakhala yooveleelela murettele, epakiweke ha: owo amveleela mwaamunama a muhuwo – akhalaka mulopwana naari muthiyana; owo amuruuheleke Yave mwaamunama oohirakala.

Levitiku 3:6

Mukina amuruuhela Yave mwaamunama a muhuwo a ekhondoolo ntoko yooveleelela murettele, amuruuheleke ya elopwana hoye hoye ethiyana yoohirakala.

Malekiya 1:8

Mweehuhuni yoowaaruuha axinama oohoona weera mwaapake yooveleela, nyuwosa khamunoonaru yakhalaru yoonanara. Mwaaruuhaka axinama oorakala ni oovoreiwa ntoko yooveleela, khamunona weera yoonanara! Mweerere omuvaha hiiho guvernadoraanyu! Weeraka owo onimoohakalalelani? Weeraka onoowaakhulani?” onkoha Yave a ikuru sootheene.

Nuumeru 19:2

“Yoonyesereriha emoha ya Nlamulo Yave olamulenlaawe ti ela: Mwaalamulele aYixrayeli omuruuha mwaamombe muthiyana ooxeera, oohirakala ni oohikhalano malepa, mwa yoowo ohitonke oreiwa murindi.

Nuumeru 29:8

Mumveleele mwaamombe, napunci a ikhondoolo ni iputtiputthi ithannapiili sa eyaakha emoha, sootheene iyo soohirakala ntoko yooveleela yoohisa, yoowunkhela yoomusiveliha Yave.

Deuteronomiyo 15:21

Mwaamunama arakala hoye hoye akhala oohoona naari arakala moota mukina wootepaxa, nyuwo muhimvahe Yave Mulukwaanyu ntoko yooveleela.

Deuteronomiyo 17:1

Muhimpakele Yave Mulukwaanyu yooveleela ya emombe elopwana hoye hoye ekhondoolo yoorakala, niwoko ti sa mwiikho wa Yoowo.

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.

1 Pedru 1:19

mene ni ephome yootthuneyaxa ya Kristu, ntoko ya eputtiputthi yoohikhala ni nlepa, naari yoohirakala.