Levitiku 22:18 - Emakhuwa Bible

¹⁸ “Mwamuleele Aharoni, anamwanaawe asilopwana ni aYixrayeli ootheene: ‘Akhala mukina a nyuwosa, akhalaka muYixrayeli hoye hoye namarwa onkhala oYixrayeli, aruuha yoomveleelela Yave ntoko yoohisa, hata ekhalaka yooveleela yookwanihera nlipelo hoye hoye yooveleela ya otthunawawe paahi,

Levitiku 22:18 Iomraidhean Croise

2 Nyaha 31:14

Kore, mwaana mulopwana a muLeevi Imena, namalipelela a mulako wa mpatta ninkhuma nsuwa, ti aawehaweha soovaha ni otthuna saapakeliwe Muluku, akawaka micaango aatteeliheriwaawe Yave ni soovaha sootteelaxa.

Icipo 116:14

Kinookwanihera soororomelihasaka kimpakenlaaka Yave vamaithoni wa mulokwaawe wootheene.

Icipo 116:18

Kinookwanihera soororomelihasaka kimpakenlaaka Yave vamaithoni wa mulokwaawe wootheene,

Icipo 22:25

Kinimoottottopelani mmuthukumanoni mutokotoko ni kinookwanihera soororomelihasaka vamaithoni wa yaale angwoovani.

Icipo 56:12

Ii! Muluku! Seiyo koororomelinghaakani kintthuna okwanihera; kinimoopakelani sooveleela sootthapela.

Icipo 61:5

Ii! Muluku! mohiiwa soororomelihasaka; mookivaha yoohiyeriwa ya yaale anoova Nsinananyu.

Icipo 61:8

Vano kinoottottopela Nsinananyu wa mahuku ootheene, kikwaniheraka soororomelihasaka khula nihuku.

Icipo 65:1

Ii! Muluku! Ottottopela onimoowehererani oSiyoni; hiyo nnookwanihera soororomeliha noopakenlaahuni.

Icipo 66:13

Kinoovolowa Empaanyu Yootteela kikuxaleene sooveleela soohisa, kikwanihereke malipelo koopakenlaakani.

Okhuma 12:5

Mwaamunama oothanliwa akhaleke mulopwana a eyaakha emoha oohirakala hata ekhalaka eputtiputthi naari epuri.

Namalaleiya 5:4

Nyuwo mwaaroromelihaka ni nlipelo, muhipise okwanihera nno, niwoko alolo khaanimusiveliha Muluku; mukwanihere nno.

Levitiku 1:10

Yooveleela yakhala yooveleela yoohisa ya ikhondoolo, ekhalaka ekhondoolo hata epuri, mutthu owo amveleeleke mwaamunama oohirakala.

Levitiku 1:2

“Mwaaleele aYixrayeli ha: ‘Yoole aneera ampakele Yave yooveleela, aruuheke ntoko yooveleela mwaamunama a imombe hoye hoye ikhondoolo.

Levitiku 17:10

Akhalaru muYixrayeli hoye hoye namarwa onkhala variyariwaya aneera ace yakhalaru ephome ya mwaamunama, vano Miyo kinoothatuwa Mwiittanaawe kimmalamaliheke mmulokonimwawe.

Levitiku 17:13

Akhalaru muYixrayeli hoye hoye namarwa onkhala variyariwaya aneera amulupatthe mwaamunama hoye hoye mwaapalame onkhuuriwa, ayeehereke toko ephome vathi ni uuheeleke etthaya,

Levitiku 22:17

Yave aamweerelatho Moisesi:

Levitiku 23:38

Ohiya toko sooveleela seiyo, sookhalatho seiyo sa iSaabadu sa Yave, soovahasanyu, ni sakhalaru seiyo muroromelinghaanyu nitho sa otthunawanyu munimvahaanyu Yave.

Levitiku 7:16

Wa soothesene yooveleelaawe yakhala yookwanihera nlipelo hoye hoye ya otthunawawe, eyo ekhuuriweke nihuku nenenenno emveleeliwaaya, mene eneera ehale eyo ekhuuriweke waaxiiye.

Amosi 4:5

Muhise epaawu yookhalano eferementu ntoko yooveleela yootthapela ni mwiikuxerereno soovahasanyu sootheene sa otthunawanyu, nyuwosa aYixrayeli, niwoko ti yeeyo munsivelaanyu opaka,” onghima Yave onlamula sootheene.

Yoonasi 1:16

Yoonaka yeeyo, anamiteko a nikula yaamulapa Yave, yoovaka, empakelaka sooveleela ni emuroromelihaka itthu.

Yoonasi 2:9

Wa soothesene, miyo kinimoopakelani sooveleela ni icipo sooxukurela ni kinookwanihera soororomelihasaka. Ovuluwa ongweela wa Yave.”

Nahumi 1:15

Woone oYuda! Siriwo vamwaako inaawo sa yoole onruuha mutthenga wooreeraxa ni onlaleiya murettele! Opakeke ifestasawo oYuda ni okwanihere soororomelihasawo. Anamariheya kheerwatho ehonona; awo anoophwataxiwa.

Malekiya 1:14

“Oolaphiwa akhale yoowo onkilokottha, areeneno mmuhuwoni napunci oohirakala, onroromeliha omveleela, vahoolowaya, anakiveleelela mwaamunama oorakala,” oneera Yave, a ikuru sootheene. “Vano Miyo ti Mwene Mutokweene, ni Nsinanaka nnooviwa eriyari ya miloko.”

Nuumeru 15:3

ni mwaamuruuhelaka Yave yooveleela ya imombe hoye hoye ikhondoolo – yoorehereriwa vayikho ntoko yoowunkhela yoomusiveliha Yave, ekhalaka yooveleela yoohisa hoye hoye ekina, ekhalaka weera mukwanihere yoororomeliha, hoye hoye ntoko yooveleela ya otthunawanyu naari yooveleela ya yakhalaru efesta,

Miteko 18:18

Pawulo aakhala oKorinto ehuhu ekina, ni vahoolowaya, aahaalaxera axunna ni aalapuwa munikulani arowaka oSiriya ahooliwaka ni Prisila ni Akila. Ahinaaye ovolowa munikulani, aamettha toko mayihaawe oKenkhreya niwoko na nlipelo aapankaawe.

Deuteronomiyo 12:17

Muhiceru mmittetthenimwanyu mpatta waanaamuloko wa etriguwaanyu, eviinyuwaanyu enyowani naari makhuraanyu hata matthaara a mihuwosanyu, sooveleela sa otthunawanyu hata samahala sooreerela, hoye hoye yakhalaru etthu mwaaroromelinghaanyu omvaha Yave.

Deuteronomiyo 12:6

mukuxaka sooveleelasanyu soohisa ni sa enama, mipatta sanaamuloko, samahala sooreerela, mwa seiyo mwaaroromelinghaanyu omvaha, sooveleela sa otthunawanyu ni matthaara a mihuwosanyu sootheene.

Deuteronomiyo 16:10

Vahoolowaya mumpakele Yave Mulukwaanyu efesta ya isimana mumvahaka yooveleela ya otthunawanyu muttharaka mareeliho mwaakhenlaanyu wa Yave Mulukwaanyu.