Levitiku 21:9 - Emakhuwa Bible

⁹ Mwaana muthiyana a musaserdoti* iiveiha athatuwaka puuta, owo onaaveiha atithawe; ahisiweke mpaka okhwa.

Levitiku 21:9 Iomraidhean Croise

Epacerero 38:24

Siviraleene nyeeri miraru, yaamweerela Yuda: “Mwaara a mwaninyu Tamari, ooraruwa, ni mooraruwanimwawe oorupala.” Vano Yuda aawaakhula: “Munkhumihere vaate weera ahisiwe mukumi!”

Okhuma 31:14

Muttiittimihe eSaabadu, niwoko ti yootteela wa nyuwo. Akhalaru mutthu aneera anyoose eSaabadu, iiviweke ni akhalaru mutthu aneera avare muteko nihuku nenenenno, oomoliweke munlokonimwawe.

Yesaya 33:14

Anamattheka oSiyoni aatteenguwa; yaale ahikhalanne Muluku aanthukumela yeeraka: “Taani a hiyo ongwera opwaherera ni okumi mmooroni woohisa? Taani a hiyo ongwera opwaherera ni okumi mmalumini oohimala?”

Ezekiyeli 9:6

Mwaawiive asitokweene, amiravo, asimwali, asithiyana ni asinamwane. Vaheera, muhimutaveru yoowo anaakhaleno eneneero. Mpacereke vaNipuroniwaka Nootteela*.” Vano awosa yaapacenre asitokweene yaari ohoolo wa Empa ya Yave.

Levitiku 19:29

Muhimuverule mwaninyu muthiyana muntatuxaka puuta niwoko hiiho elapo enoohokoleela opuuta, esareyakano sootakhala.

Levitiku 20:14

Mulopwana amwaatteya mwaana ni amayawe, ti yoonanara. Owo vamoha ni yaawosa ehisiweke weera sihikhaletho sootakhala variyariwanyu.

Malekiya 2:3

Niwoko na nyuwosa, Miyo kinoohiiha ekhapiraanyu; kinoottikitthela owiithowanyu mahiloka a axinama ampakeliwa sooveleela mfestanimwanyu, koovonyerasekeni vaate vamoha ni mahiloka.

Deuteronomiyo 22:21

vano aronghiweke vamulako wa vaate wa atithawe ni asilopwana a esidadeene yeeyo emvonyaseke maluku mpaka okhwa. Owo oopaka yoowuuliha muru oYixrayeli wooraruwa areene vaate wa atithawe. Mmalihe yoonanara variyariwanyu.

Titu 1:6

Ontthuneya weera mutokweene a ekerexa akhale oohikhalano nthowa, mulopwana a mwaara mmoha, ni akhaleno anamwane oororomela, oohootheriwa ni olavilavi, naari oohiiwelela.

Yoxuwa 7:15

Yoowo anaavaraniwe itthu sootteeliheriwa onoohisiwa mmooroni vamoha ni sootheene orinaawe. Owo oorambura Wiiraana wa Yave ni oopaka etthu yoowuuliha muru muYixrayeli.’”

Yoxuwa 7:25

Yoxuwa aamukoha: “Munitannyerenle heeni erisa ela? Olelo Yave onimootannyeranitho erisa!” Vano aYixrayeli ootheene yaamvonya maluku ni vahoolowaya yaahaavonya awawe, enaahisa ootheene ni sootheene mmooroni.

1 Samuweli 2:17

Yoottheka ele ya amiravo yaari yootepaxa vamaithoni wa Yave, niwoko awosa khayaahelela yooveleeleliwa Yave.

1 Samuweli 2:34

Yeeyo eniyaakhumelele anamwaniinyu asilopwana eeli eniikhale eneneerowaanyu – ooweeli eniikhwe nihuku nimoha.