Levitiku 2:4 - Emakhuwa Bible

⁴ Nyuwo mwaruuha yooveleela ya irooro yoowooxiwa vayikho, eyo ekhaleke ya ephepa yooreerela: iboolu soopakiwa woohikhalano eferementu ni sooweetheeliwa makhura, hoye hoye ipaawu sikhaanene soohikhalano eferementu ni soottikittheliwa makhura.

Levitiku 2:4 Iomraidhean Croise

Icipo 22:14

Kimmiiniwa ntoko maahi ni makhuvaaka ootheene aakocakoca. Murimaaka woothatuwa nnyoma etothowelaka mmirimanimwaka.

Okhuma 12:8

Ohiyuweene yoowo ekhuureke enama eyo yoowooxiwa ni makukhu oonyuunya ni epaawu yoohikhalano eferementu.

Okhuma 16:31

aYixrayeli yaatteha yooca ele emana*. Yaari yootteela ntoko etthabwe ni yaasiva ntoko mukotto wa oravo.

Okhuma 29:2

Mpake ipaawu soohikhalano eferementu ni ephepa yooreerelaxa ya etrigu ni mpaketho iboolu sootakansiwa ni makhura ni ipaawu soozazaala soottikittheliwa makhura.

Yesaya 42:1

“Ola murumeiyaaka kinimukhaviheraaka; oothanliwaaka, mwa yoowo onkihakalaliha; mwa yoola kinoohela Munepaaka ni Owo onooruuhela miloko ekhaikhai.

Yesaya 61:1

Munepa wa Yave ori mwa miyo, niwoko Yave ookittikitthela weera kaalaleere oohaawa mutthenga wooreera. Owo ookirumiha weera kaakosoope yaale arino murima woothananaxa, weera kaalaleere otaphuwa anamatthukiwa ni kaatapuxe mpiphini yaawo ari mukaliposo.

Ezekiyeli 46:20

Vano, owo aakeerela: “Nna ti nipuro mwa nenno asaserdoti* eneeraaya yaapeyeke yooveleelela nthowa, yooveleelela yoottheka ni yooxeke yooveleela ya irooro, weera sihironghiwe onipuwani na omokoni ni otteelihiwaka hiiho muloko.

Levitiku 1:11

Owo iiveliweke mpatta wa ottuttuwani wa altaari* vamaithoni wa Yave ni asaserdoti*, anamwane asilopwana a Aharoni, emisereke ephomaawe mipatta sootheene sa altaari*.

Levitiku 10:12

Moisesi aamweerela Aharoni ni anamwane asilopwana yaahanle, Eleyazari ni Ithamari: “Mukuxe yooveleela ya irooro ehanle mwa yoomveleelela Yave erehereriwe vayikho, muceleke yoohikhalano eferementu mukerekhere valtaarini*, niwoko ti yootteelaxa.

Levitiku 6:17

Yooveleela eyo ehooxiwe ni eferementu; kohaavaha yeeyo ntoko mpattaaya wa sooveleela kireherereliwaaka Miyo vayikho. Ti yootteelaxa ntoko yooveleelela yoottheka ni yooveleelela nthowa.

Levitiku 7:12

Mukina apaka yeeyo atthapelaka, vano vamoha ni yooveleelaawe ya otthapela aveleeleketho iboolu soohikhalano eferementu sooweetheliwa makhura, ipaawu sikhaanene soohikhalanotho eferementu ni soottikittheliwa makhura, ni iboolu sa ephepa yooreerela yooweetheiwa nnenesene ni yooweetheliwa makhura.

Nuumeru 6:15

vamoha ni yooveleelaawe ya irooro ni soowura ni mpapara wa ipaawu soohikhalano eferementu, iboolu soopakeliwa ephepa yooreerela yooweetheeliwa makhura ni ipaawu soozazaala soottikittheliwa makhura a sooliveira*.

Matheyo 26:38

Vano aaweerela: “Munepaaka ori woothananaxa, mpakatho okhwa. Mukhale va ni mulipeleleke ni Miyo.”

Yohaane 12:27

Vano munepaaka woothananaxa ni nkeere eheeni? Tiithi, mukivuluxe mwa ehuhu yeela! Hoye, kirweenle vekhaikhai wa yeeyo; wa ehuhu yeela.

Yohaane 3:34

Vano, Yoole Muluku omurummaawe, onuuluma masu a Muluku niwoko Owo onnavaha Munepa moota woohikhalano mwiinaano.

aHeberi 7:26

Vano, ti Mutokweenexa a asaserdoti* ntoko Ola hiyo nnimuhaawelaahu: ootteela, oohikhala ni nthowa, oohittheka, oomwalamwalihiwa ni anamattheka, ni awelihiweene wiirimu woopwahaxa.

1 Pedru 2:1

Mwiirule wa soonanara ni soolokottha sootheene nitho wa wiixeera, nrima ni soowaapa sootheene.

1 Pedru 2:22

“Owo khaatthenke, ni hata yoolokottha emoha khayaaphwanyiwe mmwaanomwawe.”