Levitiku 19:5 - Emakhuwa Bible

⁵ Mwaampakelaka Yave yooveleelela murettele, mpake yeeyo weera yaakhuleliwe mweereliwaka nyuwo.

Levitiku 19:5 Iomraidhean Croise

2 Nyaha 31:2

Hezekiya aahaathanla asaserdoti* ni aLeevi moorandelanani, khula mutthu ni sootthuneyasawe: opaka sooveleela soohisa ni sa murettele, orumeela, otthapela ni wiipa icipo soomvuwiha mmilakoni sa woomaka wa Yave.

Okhuma 24:5

Vahoolowaya aahaarumiha amiravo aYixrayeli yaapanke sooveleela soohisa ni yaawiiva axaana a imombe ntoko sooveleelela murettele wa Yave.

Ezekiyeli 46:12

Mwaana a mwene aamvahaka Yave yooveleela ya otthunawawe – ekhalaka yooveleela yoohisa hoye hoye ya murettele, ahuleliweke mulako owenghe mpatta ninkhuma nsuwa. Owo apakeke yooveleelaawe yoohisa hoye hoye ya murettele ntoko ompakaawe vanihukuni na eSaabadu. Vano owo akhumeke, ni akhummeene, mulako owaliweke.

Ezekiyeli 46:2

Mwaana a mwene arweelaka onipuwani na omokoni, avoleeleke nipithela* nimvoleeliwa ni akhaleke vamulako. Eyo eri hiiho, asaserdoti* eveleeleke sooveleelasawe soohisa ni sa murettele. Owo amulapeke Yave vathi mulako, vahoolowaya akhumeke. Vaheera, mulako owo ohiwaliweke mpaka oxekuwa.

Levitiku 1:3

Yooveleela yakhala yoohisa, mutthu owo amuruuheke mwaamunama mulopwana oohirakala. Owo amuruuheke vamulako wa Eheema ya Muthukumano* weera aakhuleliwe ni Yave.

Levitiku 19:4

Muhitthare miluku soowootha naari muhiipakele miluku sa iyuuma soohaniwa. Miyo ti Yave Mulukwaanyu.

Levitiku 19:6

Eyo ekhuuriwe munihukuni mumveleelaanyu hoye hoye waaxiiye; seiyo sineera sihale mpaka nihuku nanaararu sihisiweke.

Levitiku 22:19

vano mulopwana owo amuruuheke mwaamunama mulopwana oohirakala a imombe, ikhondoolo hoye hoye ipuri weera aakhuleliwe mwaha wa nyuwo.

Levitiku 22:21

Mukina aamuruuhaka mwaamunana a emombe, hoye hoye a muhuwo wa ikhondoolo ntoko yooveleelela murettele wa Yave weera akwanihere nlipelo hoye hoye niwoko na otthunawawe, vano eyo ekhale yoohirakala ni yookwanela weera yaakhuleliwe.

Levitiku 22:23

Wa soothesene ontthuniheriwa opaka yooveleela ya otthunawanyu ya emombe elopwana hoye hoye ekhondoolo yoorakala hoye hoye yootuthunya, mene eyo khayaakhuleliwa mwaakwaniheraka nlipelo.

Levitiku 22:29

Mwaampakelaka Yave yooveleela ya otthapela, mpake yooveleeleene yeeyo moota wooweera mwaakhuleleliwe.

Levitiku 7:16

Wa soothesene yooveleelaawe yakhala yookwanihera nlipelo hoye hoye ya otthunawawe, eyo ekhuuriweke nihuku nenenenno emveleeliwaaya, mene eneera ehale eyo ekhuuriweke waaxiiye.

Levitiku 7:18

Yakhalaru enama ya yooveleelela murettele yakhuuriwa vanihukuni nanaararu, eyo kheerwa yaakhuleliwa ni Muluku. Yooveleela eyo kheemvareleya muteko ni yoole oveleenle, niwoko ti yoonanara. Mutthu aneera akhuure onookhalano nthowa.