Levitiku 19:31 - Emakhuwa Bible

³¹ Muhiwaasaaseru yaale anaahera ihako hoye hoye anuuluma ni anamakhwa, niwoko munoovalihiwa ni yaawosa. Miyo ti Yave Mulukwaanyu.

Levitiku 19:31 Iomraidhean Croise

2 Mamwene 17:17

Yaahaahisa ntoko yooveleela asinamwanaaya asilopwana ni asithiyana. Yaaheettelasa ihako ni sa okhwiri, yiithumihaka weera epake soonanara vamaithoni wa Yave, enatannya isarasawe.

2 Mamwene 21:6

Aamuhisa mwanawe mulopwana; aapaka sa okhwiri ni ihako; aarowa wa anamadyiini ni atthu anuuluma ni minepa. Aapaka soonanara sincipale vamaithoni wa Yave atannyaka isarasawe.

2 Mamwene 23:24

Ohiya toko yeeyo Yosiya aawoomolatho anamadyiini ootheene, yaawo yaakoherera minepa, miluku soowootha sa emusi, miluku sikina ni itthu sootheene sa mwiikho saari oYuda ni oYerusaleemu. Aapaka yeeyo weera akwanihere soonyesererihiwa sa Nlamulo nilempwale mulivuruni musaserdoti* Hilikiya, oonelenlaawe Mpaani mwa Yave.

1 Nyaha 10:13

Sawuli okhwenle hiiho niwoko khaaroromeleiye wa Yave; khiiwelenle masu a Yave, mpaka aaphiyeraawe omukoherera muthiyana uuluma ni minepa sa anamakhwa,

2 Nyaha 33:6

Mpakatho aahaahisa anamwanaawe asilopwana aapakaka yooveleela munreyareyani na oBeni-Hinomi; aapaka sookhwiri, aaheraka ihako ni macitta; aavarela muteko minepa, akohereraka minepa sa akhwiiye. Aapaka soonanara sincipale vamaithoni wa Yave, atannyaka isarasawe.

Okhuma 22:18

Muhimuhiye mukhwiri ni okumi.

Yesaya 29:4

Mukurumungweene, munimuuluma vatthayani; nsunanyu noohiiwanyeya nniiwiwe muntthupini. Nsunanyu nnikhume vatthayani ettuusittuuseene; nnikhale ntoko waapa woorweela muntthupini.

Yesaya 47:13

Mirukusanyu sootheene mwaakhenlaanyu sohookhulumulani! Anamasomelaanyu a ithenyeeri erweeke, anamaweheene yaawo antthoma khula mweeri; awosa ewoopoleni mwa seiyo sineera soophwanyeeni.

Yesaya 8:19

Akhala mukina ongweerelani: “Mwaakohakohe yaale anaahera ihako ni anuuluma ni anamakhwa, yaapaapaka ni yuulumaka muxiirini,” vano khoontthuneya weera muloko omukoherere Mulukwaaya? Munaakohererela heeni anamakhwa ngweerelaka akumi?

Levitiku 19:26

Muhikhuureru enama ni ephome. Muhaase ihako hoye hoye itthu sa okhwiri.

Levitiku 19:3

Khula mutthu a nyuwosa aattittimihe amayawe ni atithawe nitho iSaabadusaka. Miyo ti Yave Mulukwaanyu.

Levitiku 20:27

Alopwana hoye hoye athiyana variyariwanyu anaahera ihako hoye hoye anuuluma ni anamakhwa, yiiviweke. Awosa evonyiweke maluku – awosa aaphwanela okhwa.’”

Miteko 8:11

Awo yaamutthara, niwoko owo ahaatikhiniha ni macittaawe wa ehuhu yincipale.

aGalata 5:20

olapela miluku sikina, okhwiri, wiittana, waakhulana, ehace, isara, wiixoona, ohiiwanana, omwalamwala,

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”

1 Samuweli 28:3

Vano Samuweli aahookhwa ni aYixrayeli ootheene yaahiinla okhwawawe. Yaamvitha musidadenimwawe oRama. Sawuli aawoomola mulaponi ootheene yaahera ihako ni yuuluma ni anamakhwa.