Levitiku 19:15 - Emakhuwa Bible

¹⁵ Muhivirikanyihe ekhaikhai mwaathorihaka, muhimuthorihele oohaawa ni nthalu naari muhaathorihele asitokweene ni nthalu, mene munthorihele mukhwiinyu ni ekhaikhai.

Levitiku 19:15 Iomraidhean Croise

Yobi 13:8

Munimoonihera nthalu mwa Yoowo? Munimwaakiha mulattu mwa Muluku?

Yobi 32:21

Khaawo kineeraaka kimukhalele nthalu naari mmoha a nyuwo, hata nkaasaasera omusiveliha mukina.

Yobi 34:19

Owo khanoonihera nthalu aweerelaka anamwane a mamwene, ni khanimpakela mpatta thadyiri amunyoosaka oohaawa yeenre ootheene epakiwa ni matataawe.

Icipo 82:2

Mpaka yaakhani muneeraanyu ngwaakihe anamathowa mwaakhalelaka mpatta atakhali? Sela*

Okhuma 18:21

Mwaathanle variyari wa muloko wootheene asilopwana oowera, mwa yaawo ammoova Muluku, oororomeleya ni oothanya makhwankwa. Mwaakhalihase ntoko asitokweene a macira muloko, ncira, miloko mithanu ni muloko mmoha.

Masu a Miruku 18:5

Khoonreera waakhalela mpatta atakhali ngwiiyeraka oororomeleya ekhaikhaiyaaya.

Masu a Miruku 24:23

Alatho ti masu makina a anamiruku: Khoonreera opaka nthalu munuulummwa milattu.

Masu a Miruku 31:9

Mukhuwele ni muthorihe ni ekhaikhai; mwaakihe soophwanela sa oohaawa ni oothoiwa.

Levitiku 19:35

Mwaaphimaka orakama, olemela hoye hoye waattawaya, mvarele muteko muringo wa ekhaikhai.

Yohaane 7:24

Muhithorihe mukhalelo woowooneya paahi, mene muthorihe moota wa ekhaikhai.”

Miteko 23:3

Vano Pawulo aamweerela: “Muluku anoovulaliheni, exiri yootteelihiwa! Mukilaathiye vawo weera mukithorihe ni malamulo, mene mulamulelaka weera kivulalihiwe, munkhootta malamulo.”

Deuteronomiyo 1:17

Muhithorihe ni nthalu, mene mmwaakhulele okhuma mutokweene mpaka mukhaani. Muhimoove akhalaru mutthu, niwoko othoriha ti wa Muluku. Yakhala makacamiho oowoorikaxani, mukiruuhele. Kinooreherera.”

Deuteronomiyo 10:17

niwoko Yave Mulukwaanyu ti Muluku a miluku ni Yave aasipwiiya; Muluku Mutokweene, Ooweraxa ni Oowoopiha, oohinthalu, akhoottaka makhwankwa.

Deuteronomiyo 16:19

Muhivirikanyihe ekhaikhai naari muhipake nthalu. Muhaakhulele makhwankwa, niwoko awo anaaphuta owiitho anamiruku ni anghenyengera masu a oororomeleya.

Deuteronomiyo 27:19

“Oolaphiwa ti yoowo anaamukhoottele ekhaikhai namarwa, mukwaasuni hoye hoye naamukhweli.” Vano muloko wootheene weereke: “Ame!*”