Levitiku 17:5 - Emakhuwa Bible

⁵ Eyo entthuneya weera aYixrayeli emurongheleke Yave sooveleelasaya ampakelaaya ottai wa okonelingwe. Awosa emuruuheleke musaserdoti*, eyo tiiyo, wa Yave, vamulako wa Eheema ya Muthukumano ni epakeke ntoko sooveleelela murettele.

Levitiku 17:5 Iomraidhean Croise

Epacerero 21:33

Abrahaamu aaphatteya oBerxeba tamargira*, aniitthana Nsina na Yave, Muluku oohimala.

Epacerero 22:13

Abrahaamu aattukhula maitho, anoona eputtiputthi yooneneva yaangihiweene manyaka muniphuwani. Vano aarowa, anakuxa, anapaka yooveleela vanipuroni na mwanawe.

Epacerero 22:2

Vanonto Muluku aamweerela: “Munkuxe mwaninyu mmoharu, Isaki yoowo nyuwo munimusivelaanyu, ni murowe elapo ya oMoriya. Mwampake yooveleela yoohisa mwaako yoowo Miyo kineeraaka koothoonyereni.”

Epacerero 31:54

Vano Yakobe aapaka yooveleela vamwaakoni, anaalattula amusaawe yaari vaavaale weera eceno. Vano ecaakaru, yaakonelawo.

1 Mamwene 14:23

Yaahiipakelatho mapuro ootteela a miluku sikina mmattumuxani; maluku ootteeliheriwa ni nyiri soothipeleliwa Axera, mmapuroni moothemwene a nyiri soopombaxa.

1 Mamwene 3:2

Wa soothesene, muloko nlelo wannapaka sooveleela mmapuroni ootteelihiwa yeenre yahitekiwa Empa ya Muluku ettittimihereliwaka Nsina na Yave.

1 Mamwene 3:3

Salomoni aahoonihera omusivelawawe Yave ngwiiwelelani ikano sa atithawe Davide, mene aapaka sooveleela ni aahisa erubani* mmapuroni ootteela vasulu mattumuxa.

2 Mamwene 16:4

Aapaka sooveleela ni aahisa erubani* mmanttumuxani ootteeliheriwa miluku sikina ni vathi wa nyiri soohiyanahiyana.

2 Mamwene 17:10

Aahiikaathi maluku ootteeliheriwa ni amarimbu a muluku muthiyana Axera mmattumuxani ootheene ni vathi wa nyiri soohiyanahiyana.

2 Nyaha 28:4

Aapakatho sooveleela ni aahisa erubani* mmanttumuxani ootteeliheriwa miluku sikina, vasulu mattumuxa ni vathi wa khula mwiri woopombaxa.

Okhuma 24:5

Vahoolowaya aahaarumiha amiravo aYixrayeli yaapanke sooveleela soohisa ni yaawiiva axaana a imombe ntoko sooveleelela murettele wa Yave.

Ezekiyeli 20:28

Kaaruuhaleene mulaponi mwa yeeyo kaalipenlaaka weera kaamwaavaha, yaamweera woonawene wakhalaru mwaako woorakamela hoye hoye mwiri woopombaxa, yaapakelawo sooveleelasaya, aani sooveleela saatannyale isarasaka. Yaaveleelawo erubanaaya yoowunkhelaxa ni yaapaka sooveleela soowura.

Ezekiyeli 22:9

Mpuwamwanyu aakhala anawunawu, oolikaneene oyeeha ephome; mpuwamwanyu aakhala yaawosa anca mmapuroni oolapa miluku sikina mmanyaakoni ni ampaka itthu soowuulihaxa muru.

Ezekiyeli 43:27

Emanleene mahuku awo, wookhuma nihuku nanaathannamararu, asaserdoti* epakeke sooveleelasanyu soohisa ni sa murettele valtaarini*. Vano Miyo kinoowaakhulelani, onghima Yave onlamula sootheene.”

Ezekiyeli 44:15

Vaheera asaserdoti* ari aLeevi, a ekhapira ya Zadoki, ni akwanihenre moororomeleyani sootthuneyasaka sa Nipuronaka Nootteela*, aYixrayeli yaakihingyaaya, ekhuveeleke weera erumeele ohoolowaka; awosa anookhala ohoolowaka weera epake sooveleela sa makhura ni sa ephome, onghima Yave onlamula sootheene.

Levitiku 17:4

ahinaruuha vamulako wa Eheema ya Muthukumano* weera oonihere ntoko yoomveleelela Yave ohoolo wa etabernaakulu* ya Yave, vano mulopwana owo onookhalano nthowa na ephome; owo ooyeeha ephome ni onoomalamalihiwa mmulokonimwawe.

Levitiku 17:6

Musaserdoti* amisereke ephome valtaarini* a Yave vamulako wa Eheema ya Muthukumano ni ahiseke makhura ntoko yoowunkhelaxa enimusiveliha Yave.

Deuteronomiyo 12:2

Mwaphwateke woomalela mapuro ootheene mmanyaakoni soorakamela, mmattumuxani ni vathi wa nyiri weiwo miloko sinlapaaya milukusaya.