Levitiku 16:5 - Emakhuwa Bible

⁵ Owo aakheleke wa aYixrayeli ipuri ilopwana piili ntoko yooveleelela yoottheka ni napunci ntoko yooveleela yoohisa.

Levitiku 16:5 Iomraidhean Croise

2 Nyaha 29:21

Yaahaakuxa aximombe athanneeli, anapunci a ikhondoolo athanneeli, iputtiputthi ilopwana ithannapiili ni anapunci athanneeli a ipuri ntoko yooveleelela yoottheka emweerelaka mwene, Nipuro Nootteela* ni oYuda. Mwene aalamulela weera asaserdoti*, a ekhapira ya Aharoni, yaaveleele axinama ale valtaarini* a Yave.

Ezera 6:17

Wootteeliheriwani Empa ya Muluku yaapaka sooveleela yiivaka imombe ilopwana ncira, anapunci macira meeli, ikhondoolo ilopwana sikhaani macira maxexe, ni wa soottheka wa aYixrayeli ootheene yaahiiva ipuri ilopwana muloko ni piili – emoha wa khula epuumba ya aYixrayeli.

Levitiku 1:10

Yooveleela yakhala yooveleela yoohisa ya ikhondoolo, ekhalaka ekhondoolo hata epuri, mutthu owo amveleeleke mwaamunama oohirakala.

Levitiku 4:3

Musaserdoti* oottikittheliwa attheka, aruuhelaka hiiho nthowa muloko, owo amuruuheleke Yave emombe exaana yoohirakala ntoko yooveleelela yoottheka opankaawe.

Levitiku 8:14

Woottharelana aamuruuha mwaamombe wa yooveleelela yoottheka, ni Aharoni vamoha ni anamwane asilopwana yaahiikaathera matata vamuru wa mwaamombe ole.

Levitiku 8:2

“Munruuheke Aharoni ni anamwane asilopwana, ikuwosaya, makhura oottikitthelano, emombe elopwana wa yooveleelela yoottheka, anapunci eeli ni mpapara orino ipaawu soohikhalano eferementu,

Levitiku 9:2

Aamweerela Aharoni: “Munkuxe mwaamombe mulopwana wa yooveleelela yoottheka ni napunci wa yooveleela yoohisa, ooweeli oohirakala, muruuheke vamaithoni wa Yave.

Nuumeru 29:11

Mumveleelasetho napunci a ipuri ntoko yooveleelela yoottheka, ohiya yooveleelela yoottheka weera mwiirehererele wiiwanana ni Yave ni sooveleela soohisa sa khula nihuku vamoha ni sooveleelasaya sa irooro ni sooveleela soowura.

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,