Levitiku 16:20 - Emakhuwa Bible

²⁰ Aharoni aamalihaka orehererela wiiwanana ni Yave Nipuro Nootteelaxa*, Eheema ya Muthukumano* ni altaari*, owo amurongheke ohoolo napunci mukumi.

Levitiku 16:20 Iomraidhean Croise

Ezekiyeli 45:20

Nyuwo mpakeketho hiiho vanihukuni nanaathannameeli na mweeri, mmweerelaka akhalaru mutthu anaattheke mweerisani hoye hoye moohisuwelani; hiiho nyuwo munooreherera wiiwanana ni Muluku mweerelaka Empa ya Muluku.

Levitiku 16:16

Moota hiiho onoorehererela Nipuro Nootteela* wiiwanana ni Yave niwoko na ohitteela ni ovaanya wa aYixrayeli – sakhalaru sootthekasaya sootheene. Owo apakeleketho Eheema ya Muthukumano* eri eriyaraaya moohitteelanimwaya.

Levitiku 16:19

Owo amisereke ephome vakhaani ni ekatha imaara ithannapiili weera aarapihe ni aatteelihe yaawo mwa ohitteela wa aYixrayeli.

Levitiku 16:21

Owo iikaathereke matataawe oomeeli mmuru mwa napunci mukumi, alapeke sootakhala sootheene ni ovaanya wootheene wa aYixrayeli – sootthekasaya sootheene – ni iikaathiki seiyo mmuru mwa napunci. Vahoolowaya amurumiheleke napunci munikareni awehawehiwaka ni mulopwana othanleliwe yeeyo.

Levitiku 6:30

Vaheera khula yooveleelela yoottheka ephomaaya eneera eruuhiwe Muheemani mwa Muthukumano weera ereherereliwe wiiwanana ni Yave vaNipuroni Nootteela*, ehikhuuriwe; eyo ehisiweke.

Levitiku 8:15

Moisesi aamuhita mwaamombe, anaxuweya ekatha mphomeni, anahinga manyaka ootheene a altaari* weera aatteelihe. Ephome yaahanle eyo ayeehera vathi wa altaari*. Hiiho ahaarehererela wiiwanana ni Yave.

aRooma 4:25

Owo aavahereriwa okhwa niwoko na sootthekasahu, ni aavenyererihiwa weera hiyo naakhuleliwe ni Muluku.

aRooma 8:34

Taani anaathorihe? Aari Kristu Yeesu okhwiiye. Wootepaxa, Owo oovenyerera ni ori moono mulopwana wa Muluku anivekelelakatho hiyo.

2 aKorinto 5:19

weera Muluku mwa Kristu iiraanyiha elapo ya vathi ni mwaneenaaweru, ahaalikelaka soottheka sa atthu. Owo aanivaherera hiyo masu a wiiraana.

aKolosi 1:20

ni weera niwoko na Yoowo siiraanyihiwe itthu sootheene ni Muluku, sikhalaka sa wiirimu, hata sa vathi. Aawenre yeeyo akhalihaka murettele niwoko na ephomaawe evuuvihiwe vamuttandani.

aHeberi 7:25

Tivawo, Owo ongweraawe waavuluxa nnenesene yaawo ammwaattamela Muluku mwa Yoowo, niwoko Owo onkhala mahuku ootheene weera aavekeleleke yaawo.

Ethupululo 1:18

Miyo ti Yoole onkhala ni okumi; kaahookhwa, mene vano kinkhala ni okumi mahuku ootheene oohimala. Ni kookhalano ixaavi sa okhwa ni sa Hadesi*.