Levitiku 16:18 - Emakhuwa Bible

¹⁸ Vano owo aroweke valtaarini* ari vamaithoni wa Yave, ni vawo areherereleke wiiwanana ni Yave. Owo akuxe ephome vakhaani ya mwaamombe ni ya napunci, ahingeke mmanyakani ootheene a altaari*.

Levitiku 16:18 Iomraidhean Croise

Okhuma 30:10

Emaara emoha vayaakhani Aharoni apakeke wiiraana vamanyakaniwaya. Wiiraanawene weiwo wa khula eyaakha opakiweke ni ephome ya yooveleela mwaha wa yoottheka weera siiraane ikhapira sootheene sa muhoolo. Altaari* awo ti ootteelaxa wa Yave.”

Ezekiyeli 43:20

Nyuwo muhingeke ephomaaya ekina mmanyakani maxexe a altaari*, mmattuumbani maxexe a soosuka itokweene ni murukureeriheke mukhwipimwaya moothemwene. Hiiho, munimwaatteeliha altaari* ni munoowera waarehererela wiiwanana ni Muluku.

Ezekiyeli 43:22

Waaxiiye, nyuwo mumveleeleke napunci oohirakala ntoko yooveleelela yoottheka, ni altaari* etteelihiweke ntoko yaatteelihiwaaya ni mwaamombe.

Ezekiyeli 45:19

Musaserdoti* akuxeke ephome vakhaani ya yooveleelela yoottheka ni ahingeke musereemuni mwa Empa ya Muluku, mmattuumbani maxexe a soosuka itokweene sa altaari* ni musereemuni mwa mulako wa nipuwa na mpuwa.

Levitiku 16:16

Moota hiiho onoorehererela Nipuro Nootteela* wiiwanana ni Yave niwoko na ohitteela ni ovaanya wa aYixrayeli – sakhalaru sootthekasaya sootheene. Owo apakeleketho Eheema ya Muthukumano* eri eriyaraaya moohitteelanimwaya.

Levitiku 16:17

Ahikhaleru mukina aneera avolowe Muheemani ya Muthukumano* okhuma ehuhuweene yeeyo Aharoni aneeraawe avolowe weera arehererele wiiwanana ni Yave Nipuro Nootteela* mpaka okhumawawe amalihaleene wiirehererela owo, emusaawe ni muloko wootheene wiiwanana ni Yave.

Levitiku 4:18

Vahoolowaya musaserdoti* ahingeke mpatta wa ephome mmanyakani a valtaarini* ari ohoolo wa Yave, Muheemani ya Muthukumano*. Ephome eneera ehale ya emombe eyo ayeeherele vathi wa altaari* a sooveleela soohisa vamulako wa Eheema ya Muthukumano*.

Levitiku 4:25

Vano musaserdoti* ataveke ni ekatha ephome vakhaani ya yooveleelela yoottheka ni ahingeke mmanyakani a altaari* a sooveleela soohisa. Ephome ekina eyo ayeehereke vathi valtaarini*.

Levitiku 4:7

Vahoolowaya musaserdoti* ahingeke mpatta wa ephome mmanyakani a valtaarini* a erubani* yoowunkhelaxa eri vamaithoni wa Yave, Muheemani ya Muthukumano*. Ephome eneera ehale ya emombe eyo ayeeherele vathi wa altaari* a sooveleela soohisa vamulako wa Eheema ya Muthukumano*.

Nuumeru 28:22

Mumveleele napunci a ipuri ntoko yooveleelela yoottheka, weera mwiirehererelase wiiwanana ni Muluku.

Yohaane 17:19

Miyo kinimwiitteeliha niwoko na yaawo, weera awotho ekhale ootteelihiwa mwa ekhaikhai.

aHeberi 2:11

Vano, Yoowo ontteeliha ni yaawo antteelihiwa, anrweela wa mmoha paahi. Tivawo Yeesu khanuuliwa muru woowiitthana axunneiye.