Levitiku 12:2 - Emakhuwa Bible

² “Mwaaleele aYixrayeli: ‘Muthiyana arupula, anamuyara mwaana mulopwana, muthiyana owo onookhala oohitteela wa mahuku mathannameeli mooteene yoowo onaatalelaawe.

Levitiku 12:2 Iomraidhean Croise

Epacerero 1:28

Muluku aahaareeliha ni aaweerela: “Mwaandyeereraneke. Musareyeke ni mulamuleke elapo ya vathi yootheene. Mulamuleke ihopa mphareiyani; ipalame sa wiirimu ni inama sootheene sa mweelaponi ya vathi.”

Epacerero 3:16

Aamweerela muthiyana: “Nkaattihe vancipale ohaawa wa orupalawanyu. Moohaawani nyuwo munimwaayara anamwane. Yoohaawelaanyu eniikhale wa ayinyu ni owo onimoolamulani.”

2 Samuweli 11:4

Vano Davide aalamulela oruuhiwa. Betixeba aarowa wa yoowo ni Davide aamukonano. Eera amalihaleene vaanaanoru mwiikho wa asithiyana. Vahoolowaya aahokoleela owaani.

Yobi 14:4

Taani ongwera okhaliha etthu yootteeleene mwa yoohitteela? Khaawo!

Yobi 15:14

Ongwereya hai mutthu okhala ootteela? Ongwereya hai mutthu onkhwa wuupuwela weera kookwanela?

Yobi 25:4

Mutthu khangwera ohikhalano nthowa vamaithoni wa Muluku, mutthu onkhwa paahi khangwera okhala ootteela.

Icipo 51:5

Vekhaikhai kiri namattheka eyareliwaaka; aani okhuma ehuhu yaakirupanlaaya amayaka.

Levitiku 12:1

Yave aamweerela Moisesi:

Levitiku 12:5

Muthiyana amuyara mwaana muthiyana, muthiyana owo onookhala oohitteela wa isimana piili, mooteene yoowo onaatalelaawe. Vahoolowaya owo aweherereke mahuku miloko mithannamosa ni mathannamosa weera atteelihiwe ngwiinanelanimwawe.

Levitiku 15:19

Muthiyana akhala ni mpingu, ohitteela wa mpingwaawe iinaneleke mahuku mathannameeli ni yoowo aneera amutave onookhala oohitteela mpaka oxekuwa.

Levitiku 18:19

Muhimwaattamele muthiyana weera munkoneno mweehuhuni ya ohitteela wa waatalawawe.

Levitiku 5:3

Hoye hoye owo atava etthu yoohitteela ya omutthu, yakhalaru etthu eneera emutatuxe oohitteela – naari ahisuwelaka, owo oonelela, onookhalano nthowa.

Luuka 2:22

Emalihiwaka ehuhu ya otteelihiwawaya ntoko malamulo a Moisesi annyesererihaaya, Yoseefe ni Mariya yaamurongha oYerusaleemu weera yamoonihere wa Apwiya.