Levitiku 11:42 - Emakhuwa Bible

⁴² Khamuntthuniheriwa okhuura yakhalaru ekhalelo eniipurula, ekhalaka ni erukulu, ekhalaka ni nyetto mixexe hoye hoye nyetto sincipale; sootheene iyo ti sa mwiikho wa nyuwo.

Levitiku 11:42 Iomraidhean Croise

Epacerero 1:20

Muluku aaheeratho: “Sisareye mmaahini ikhalelo sootheene siri ni okumi ni sivave ipalame osulu.”

Yesaya 65:25

Mwiici ni eputtiputthi enimooca vamoha, ni mwatto onimooca malaxi ntoko emombe elopwana, vaheera ntthupi nnikhale yooca ya enowa. Iyo khasinanariha hata ophwata vamwaakowaaka wootteela wootheene,” onghima Yave.

Levitiku 11:41

Ikhalelo sootheene siniipurula ti sa mwiikho wa nyuwo; khamuntthuniheriwa okhuura.

Levitiku 11:43

Muhiivalihe ni ikhalelosene seiyo. Muhiitatuxe oohitteela ni seiyo ni sihootatuxeni oohitteela.

Mikeyasi 7:17

Sinimweesela ntthupi ntoko enowa, aani ntoko axinama aniipurula. Sinookhuma moolipamwaya sithukumelaka; ngwoovani, sinoomuhokoleela Yave, Mulukwaahu, ni sinoowoovani.

Matheyo 23:23

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mumvaha mpatta wanaamuloko wa sooreerela sooreeraxa, endro*, ni kominyu*, mene munnattiwala iyo sinnyesereriwa sa nlamulo: ekhaikhai, ikharari, ni ororomeleya. Ontthuneya nyuwo opaka itthusene seiya muhihiyakatho soopacera.

Matheyo 3:7

Aawoonnaawe Yohaane afarasi* ni aSaduki* ancipale ewaaka weiwo aapatisaawewo, aaweerela: “Inowa! Aweerenleni taani weera mutthawe isara sa Muluku sinkhuveela?

Yohaane 8:44

Nyuwo ti anamwane a Diyabu* ni muntthuna opaka ohaawelawawe. Owo aari namwiiva okhuma ompacereroni, ahittharaka ekhaikhai niwoko kheewowo ekhaikhai mwa yoowo. Owo oothaka, onuuluma nuulumonawe muneenaawe niwoko ti namootha ni ori atiithi a wootha.

2 aKorinto 11:13

Atthweene yaawo ari arummwa oowootha, anamiteko oolokottha, yiixeeraka ntoko arummwa a Kristu.

2 aKorinto 11:3

Yeeyo miyo kinoovaaka ti ela: ntoko enowa yaamulokontthaaya Eva ni mirukusaya soonanara, nkintthuna weera soowuupuwelasanyu sihapuxiwe mwa nthitinanyu wa Kristu na ekhaikhai ni nootteela.

Titu 1:12

Mmoha a mprofeetaaya asineenaaya aaheera: “Mahuku ootheene aKreta ti anamootha, inama soonanara, anamaca ooreesi.”