Levitiku 11:10 - Emakhuwa Bible

¹⁰ Vaheera sootheene iyo sihikhalanne malakhalakha ni makamba – sikhalaka sa soopattuxiwa sikhaani sootheene, sikhalaka sa sikina iyo sinkhala mmaahini – muthanyeke.

Levitiku 11:10 Iomraidhean Croise

Epacerero 1:20

Muluku aaheeratho: “Sisareye mmaahini ikhalelo sootheene siri ni okumi ni sivave ipalame osulu.”

Masu a Miruku 13:20

Yoowo oneetta ni asuweli ompwaherera okhala musuweli, vaheera mukhwaaya alolo ommalela moonanarani.

Masu a Miruku 29:27

Oororomeleya anaathanya oohiroromeleya, ni atakhali anaathanya ookwanela.

Levitiku 11:11

Weenre otthuneyaka othanya, muhikhuure inamasaya ni muthanye sookhwasaya.

Levitiku 11:9

Sa soopattuxiwa sootheene sinkhala mmaahini nyuwosa mukhuureke seiyo sirino malakhalakha ni makamba.

Levitiku 7:18

Yakhalaru enama ya yooveleelela murettele yakhuuriwa vanihukuni nanaararu, eyo kheerwa yaakhuleliwa ni Muluku. Yooveleela eyo kheemvareleya muteko ni yoole oveleenle, niwoko ti yoonanara. Mutthu aneera akhuure onookhalano nthowa.

Deuteronomiyo 14:10

Vaheera muhikhuure sootheene iyo sihirino mapupha ni makamba, niwoko ti soohitteela wa nyuwosa.

Deuteronomiyo 14:3

Muhikhuureru ekhoottihiwe.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”