Levitiku 10:17 - Emakhuwa Bible

¹⁷ “Muhikhuurenle heeni yooveleelela yoottheka vaNipuroni Nootteela*? Ti yooveleela yootteelaxa mvahiwaanyu weera mvenxe nthowa wa muloko murehererelaka wiiwanana ni Yave wa yoowo vamaithoniwawe.

Levitiku 10:17 Iomraidhean Croise

Okhuma 28:38

Etthweene yeeyo ekhaleke vayuucini wa Aharoni ni anaakuxe nthowa na yakhalaru yoottheka aYixrayeli eneeraaya epahule mwaha wa sooveleelela sootteela. Ekhaleke vayuucini wa Aharoni mahiku ootheene weera aYixrayeli ekhale oowaakhuleliwa ni Yave.

Okhuma 28:43

Aharoni ni anamwanaawe asilopwana ewaraseke iyo imaara sootheene eneraaya evolowaseke Muheemani mwa Muthukumano, hoye hoye yaarowasaka wa altaari* weera erumeele vaNipuroni Nootteela*. Hiiho anoosemba nthowa ninruuhela okhwa. Nna nikhaleke nlamulo noohimala wa Aharoni ni ekhapiraawe.

Levitiku 16:22

Napunci onoorowano soottheka sootheene sa aYixrayeli vanipuroni na meekhaawe; ni mulopwana owo onoomutaphulela munikareni.

Levitiku 21:22

Owo aceeke yooca yootteelaxa ya Mulukwaawe nitho yooca yootteela ekina.

Levitiku 22:16

yaatthuniheraka oca sooveleelasene seiyo, yaaruuhelaka nthowa ninnyesereriwa oreherera. Miyo ti Yave kinaatteeliha.”

Nuumeru 18:1

Yave aamweerela Aharoni: “Nyuwo, anamwaniinyu asilopwana ni emusi ya atithinyu, munookhalano nthowa na wakhalaru moota wa oveihiwa Nipuro Nootteela*. Nyuwo ni anamwaniinyu munookhalano nthowa mwa sakhalaru sooveiha sipakeiye mmutekoni wa esaserdoti.

Yohaane 1:29

Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aHeberi 9:28

hiihotho Kristu oovahereriwa ntoko Yooveleela emaara emoha paahi weera avenxe soottheka sa ancipale. Anaawe emaara yanaaveeli, ohikhanle ovenxa soottheka, mene weera aaruuhele ovuluwa yaawo aningweherera.

1 Pedru 2:24

Owo mwaneenaawe aavilela mweerutthuni sootthekasahu vamuttandani weera hiyo nikhwe wa soottheka, mene nikhale ni okumi wa ekhaikhai ya Muluku. Niwoko na makhwattaawe nyuwo moolamihiwa.