Levitiku 1:4 - Emakhuwa Bible

⁴ Owo iikaathiki ntatanawe vamuru wa mwaamunama a yooveleela yoohisa, ni eyo enimwaakhuleliwa ntoko yoorehererela wiiwanana ni Yave.

Levitiku 1:4 Iomraidhean Croise

Okhuma 28:38

Etthweene yeeyo ekhaleke vayuucini wa Aharoni ni anaakuxe nthowa na yakhalaru yoottheka aYixrayeli eneeraaya epahule mwaha wa sooveleelela sootteela. Ekhaleke vayuucini wa Aharoni mahiku ootheene weera aYixrayeli ekhale oowaakhuleliwa ni Yave.

Okhuma 29:10

Munruuhe mwaamombe ohoolo wa Eheema ya Muthukumano*. Aharoni ni anamwanaawe asilopwana emwiikaathere matata vamuruwawe.

Okhuma 29:15

Munkuxe mmoha a anapunci ni Aharoni ni anamwanaawe asilopwana yiikaathereke matata vamuru wa mwaamunama.

Okhuma 29:19

Munkuxe napunci mukina ni Aharoni ni anamwanaawe asilopwana yiikaathereke matata vamuru wa mwaamunama.

Okhuma 29:33

Awo ekhuureke sooveleela seiyo, niwoko wohiiraaniheya mwaha wa seiyo wa okhalihiwawaya ni otteelihiwawaya. Ahikhale mukina anaakhuure seiyo, niwoko ti sootteela.

Yesaya 56:7

vano yaawo kinimwaaruuha vamwaakoniwaka wootteela ni kinimwaavaha ohakalala Mpaanimwaka wa mavekelo. Sooveleelasaya soohisa ni sikina sinimwaakhuleliwa valtaariniwaka; vanonto Empaaka eniitthaniwa Empa ya mavekelo wa miloko sootheene.”

Ezekiyeli 45:15

nitho wa khula ikhondoolo macira meeli, ekuxiweke ekhondoolo emoha mwa seiyo sincihiwa munnyepuni woopombaxa wa oYixrayeli. Sootheene iyo sivareliweke muteko wa sooveleela sa irooro, sooveleela soohisa ni sa murettele weera oreherereliwe wiiwanana ni Yave,’ onghima Yave onlamula sootheene.

Daniyeli 9:24

Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Levitiku 16:21

Owo iikaathereke matataawe oomeeli mmuru mwa napunci mukumi, alapeke sootakhala sootheene ni ovaanya wootheene wa aYixrayeli – sootthekasaya sootheene – ni iikaathiki seiyo mmuru mwa napunci. Vahoolowaya amurumiheleke napunci munikareni awehawehiwaka ni mulopwana othanleliwe yeeyo.

Levitiku 16:24

Owo arapeke vaNipuroni Nootteela*, awareke ikuwosawe sa khula nihuku. Vanonto akhumeke, iipakeleke yooveleela yoohisa ni yooveleela yoohisa wa muloko, iirehererelaka owo ni muloko wiiwanana ni Yave.

Levitiku 22:21

Mukina aamuruuhaka mwaamunana a emombe, hoye hoye a muhuwo wa ikhondoolo ntoko yooveleelela murettele wa Yave weera akwanihere nlipelo hoye hoye niwoko na otthunawawe, vano eyo ekhale yoohirakala ni yookwanela weera yaakhuleliwe.

Levitiku 22:27

“Aayariwaka mwaamombe, eputtiputthi hoye hoye mwaapuri, owo akhaleke mahuku mathannameeli ni naangolo. Okhuma nihuku nanaathannamararu wookela ohoolo onimwaakhuleliwa ntoko yoomveleelela Yave yoorehereriwa vayikho.

Levitiku 3:13

Owo iikaathiki ntata vamuru wa mwaamunama aneera iiveliwe ohoolo wa Eheema ya Muthukumano*. Vano anamwane asilopwana a Aharoni emisereke ephome mipatta sootheene sa altaari*.

Levitiku 3:2

Owo iikaathiki ntata vamuru wa mwaamunama a yooveleela yoohisa aneera iiveliwe vamulako wa Eheema ya Muthukumano*. Asaserdoti*, anamwane a Aharoni, emisereke ephome mipatta sootheene sa altaari*.

Levitiku 3:8

Owo iikaathiki ntata vamuru wa mwaamunama aneera iiveliwe ohoolo wa mulako wa Eheema ya Muthukumano*. Vano anamwane asilopwana a Aharoni emisereke ephome mipatta sootheene sa altaari*.

Levitiku 4:15

Asitokweene a mulokweene yoowo yiikaathiki matata vamuru wa emombe vamaithoni wa Yave, ni emombe yiiviweke ohoolo wa Yave.

Levitiku 4:20

apakelaka emombe mooteene yoowo aapakenlaaweno emombe ya yooveleelela yoottheka. Moota hiiho musaserdoti* onoorehererela wiiwanana ni Yave, ni owo onooleveleliwa.

Levitiku 4:24

Owo iikaathiki ntata vamuru wa napunci aneera iiveliwe vanipuroni siniiveliwaayawo sooveleela soohisa vamaithoni wa Yave. Ela ti yooveleelela yoottheka.

Levitiku 4:26

Owo ahiseke makhura ootheene valtaarini* ntoko aahinsaawe makhura a yooveleelela murettele. Moota hiiho musaserdoti* onoorehererela wiiwanana ni Yave wa yoottheka ya mulopwana owo, ni owo onooleveleliwa.

Levitiku 4:29

Owo iikaathiki ntata vamuru wa mwaamunama a yooveleelela yoottheka aneera iiveliwe vanipuroni siniiveliwaayawo sooveleela soohisa.

Levitiku 4:31

Owo avenxeke makhura ootheene mooteene yoowo amvenxeriwaaya makhura a yooveleelela murettele. Vanonto musaserdoti* ahiseke seiyo valtaarini* ntoko yooveleela yoowunkhelaxa enimusiveliha Yave. Moota hiiho musaserdoti* onoomurehererela wiiwanana ni Yave, ni mulopwana owo onooleveleliwa.

Levitiku 4:33

Owo iikaathiki ntata vamuru wa mwaamunama aneera iiviweke ntoko yooveleelela yoottheka vanipuroni siniiveliwaayawo sooveleela soohisa.

Levitiku 4:35

Owo avenxeke makhura ootheene a eputtiputthi ya yooveleelela murettele. Vanonto musaserdoti* ahiseke seiyo valtaarini* vasulu wa soomveleelela Yave soorehereriwa vayikho. Moota hiiho musaserdoti* onoomurehererela wiiwanana ni Yave, ni mulopwana owo onooleveleliwa.

Levitiku 4:4

Owo amuroihele Yave emombe vamulako wa Eheema ya Muthukumano*. Owo iikaathiki ntata vamuru wa emombe eneera yiiviwe vamaithoni wa Yave.

Levitiku 5:6

Owo amuruuheleke Yave ekhondoolo hoye hoye epuri ethiyana ya muhuwaawe ntoko nlivo niwoko na yoottheka opankaawe, eyo tiiyo yooveleelela yoottheka. Vano musaserdoti* onoomurehererela wiiwanana ni Yave wa yootthekaawe.

Levitiku 6:7

Moota hiiho musaserdoti* onoomurehererela wiiwanana ni Yave, ni owo onooleveleliwa vamaithoni wa Yave yakhalaru etthu ya seiyo opankaawe simutatunxe nanthowa.”

Levitiku 8:14

Woottharelana aamuruuha mwaamombe wa yooveleelela yoottheka, ni Aharoni vamoha ni anamwane asilopwana yaahiikaathera matata vamuru wa mwaamombe ole.

Levitiku 8:18

Vahoolowaya Moisesi aalamulela oruuhiwa napunci a yooveleela yoohisa, ni Aharoni vamoha ni anamwane asilopwana yaahiikaathera matata vamuruwawe.

Levitiku 8:22

Woottharelana aalamulela oruuhiwa napunci mukina, yooveleelela ntteeliho, ni Aharoni vamoha ni anamwane asilopwana yaahiikaathera matata muruwaawe.

Levitiku 9:7

Moisesi aamweerela Aharoni: “Murweeke valtaarini*, mwapakele yooveleelelaanyu yoottheka ni yooveleelaanyu yoohisa, mwiirehererele wiiwanana ni Yave, mwareherereletho muloko; mwapakele yooveleela muloko ni mwarehererele wiiwanana ni Yave, ntoko Owo aamulamulenlaawe Moisesi.”

Nuumeru 15:25

Musaserdoti* areherereleke wiiwanana ni Yave muloko wootheene wa aYixrayeli, ni awosa anooleveleliwa, niwoko yootthekaaya kheehiyono mweerisani, ni awosa yaamuruuhela Yave yooveleela yoorehereriwa vayikho ni yooveleelela yoottheka.

Nuumeru 15:28

Musaserdoti* amureherereleke wiiwanana ni Yave yoowo otthenke mweerisani ohoolo wa Yave, ni owo onooleveleliwa.

Nuumeru 25:13

Okhuma vanaano vaava owo mpaka ikhapirasawe onookhala wiiraana wa osaserdoti* woohimala, niwoko owo oomukhalela nthiti Mulukwaawe aarehererelaka aYixrayeli wiiwanana ni Muluku.

Nuumeru 8:10

Mwaarongheke aLeevi vamaithoni wa Yave, ni aYixrayeli ewiikaathereke matata.

Nuumeru 8:12

aLeevi yiikaathenreene matata mmuru mwa aximombe, nyuwo mumveleeleke mwaamombe mmoha ntoko yoomveleelela yoottheka ni mukinoowo ntoko yoomveleelela yoohisa weera aareherereleke wiiwanana ni Yave aLeevi.

aRooma 12:1

Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

aRooma 3:25

Muluku oomwiiyaathi Yoowo ntoko yoowiiveleela weera awere wiiraaniha ni ephomaawe niwoko na nroromelo. Owo aapaka yeeyo weera oonihere ororomeleyawawe, niwoko moovilelanimwawe aahiya soohittaruxiwa soottheka saapakiwe khalayi.

aRooma 5:11

Kheehiyono paahi yeeyo, menetho ninnamuhakalalela Muluku niwoko na Apwiyaahu Yeesu Kristu, mwa Yoowo hiyo nohaakhela vaanaano wiiraana.

aFilipi 4:18

Kohaakhela sootheene ni sookaattela. Kohaattano woowaakhela wa Epafrodito soovaha seiyo nyuwo mwaarumihalaanyu. Iyo siri yoovaha yoowunkhela yooreera, yooveleela emoha yoowaakhuleliwa ni yoomusiveliha Muluku.

aHeberi 10:4

niwoko khoongwereya weera ephome ya imombe ni ipuri evenxe soottheka.

1 Yohaane 2:2

Owo onooponle weera sootthekasahu sikhale sooleveleliwa, ni khasihiyono paahi sootthekasahu, menetho soottheka sa elapo ya vathi yootheene.