Icipo 99:8 - Emakhuwa Bible

⁸ Ii! Yave, Mulukwaahu, Nyuwo mwaawaakhula; wa aYixrayeli mwaari Muluku onlevelela mwaamwaattaruxelaru sootthekasaya.

Icipo 99:8 Iomraidhean Croise

2 Samuweli 12:14

Wa soothesene, mweenre munruwana Yave, mwaninyu mulopwana onimookhwa.”

Icipo 78:38

Hata hiiho aahaamorela ikharari; aahaalevelela sootthekasaya ni khaaphwata. Emaara ti emaara annahuluxa isarasawe ni khaanyoonyeriwa.

Icipo 89:33

Vaheera nkivenxa mwa yoowo osivelawaka hata nkirwa kihiya ororomeleyawaka.

Okhuma 32:2

Aharoni aahaakhula: “Mwaarule axiveeve a eyuuma yoorikaxa yaawanraaya axaarinyu ni anamwaniinyu asilopwana ni asithiyana ni mukiruuhele.”

Okhuma 34:7

mwa Yoowo ompwaherera ni waasivelawawe atthu oohaalikeleya, alevelelaka otakhala, ovaanya ni yoottheka. Hata hiiho, khanghiya omuttaruxa nanthowa. Owo onaattaruxa anamwane ni osuulwaaya mpaka ekhapira yanaararu ni yanaaxexe niwoko na soottheka sa asitithaya.”

Namalaleiya 7:29

Yeeyo koonelenlaaka ti ela paahi: Muluku ohaapaka atthu oororomeleya, vaheera awosa yaasaanse mikhalelosaya sincipale.”

Yeremiya 46:28

Ii! Murumeiyaaka Yakobe, muhoove! Miyo kiri ni nyuwo,” onghima Yave. “Kinoophwata woomalela miloko sootheene eriyari ya seiyo koomwaraxenlaakani; vaheera wa nyuwo nkoophwatani woomalela. Miyo kinimoolakani ntoko mumphwanelaanyu; nkookhalelaxani oxilili.”

Zefaniya 3:7

Miyo kaaheerela esidade: ‘Woohihovela nyuwo munookoova ni munimwaakhulela wookoleliwa!’ Vano hiiho, woomakawanyu khawaamalamalihiwa, hata khayaamorelamo mattaruxowaaka ootheene. Vaheera awosa yaahaawelaxa opaka moota wootheene wa yoonanara.”

Nuumeru 20:12

Wa soothesene Yave aamweerela Moisesi ni Aharoni: “Nyuwo khamukiroromenle Miyo muhittittimihaka otteelawaka vamaithoni wa aYixrayeli, tivawo nyuwosa khamvolongha muloko ola mulaponi kimvahaaka.”

Nuumeru 20:24

“Aharoni onoothukumanyihiwa ni makholowaawe. Khavolowa mulaponi kinaavahaaka aYixrayeli, niwoko nyuwosa ooweeli moovaanya Nlamulonaka mukerekhere maahi a oMeriba.

aRooma 1:21

Vano, emusuwelaka Muluku, khayaamvuwihale ntoko Muluku, hata khayaamutthapenle, mene soowuupuwelasaya saathatuwa sa siiyo, ni mirimasaya sa ololo saathatuwa epiphi.

Deuteronomiyo 3:26

Wa soothesene, Yave aakinyoonyeriwa ahikiiwelelaka. Yave aaheera: “Waatta! Muhikileeletho seiyo.