Icipo 96:4 - Emakhuwa Bible

⁴ Vano Yave ti Mutokweene ni omphwanela ottottopeliwa wootheene; ontthuneya omoova Yoowo opwaha miluku sikina.

Icipo 96:4 Iomraidhean Croise

2 Nyaha 2:4

Kihanle vakhaani oteka Empa ya Muluku, kittittimiherelaka Nsina na Yave, Mulukwaaka. Kintthuna omutteelihera Yoowo, weera ehiseriwemo erubani* yoowunkhelaxa ohoolowawe, yooniheriwe woohihiyerera epaawu yootteeliheriwa, ni sipakiwe sooveleela soohisa khula oxeexelo ni oxekuwa, muSaabaduni, mfestani sa nyeeri sinyowani ni mfestani soothanliwa sa Yave, Mulukwaahu. Ela ti ekano yoohimala wa aYixrayeli.

Nehemiya 9:5

aLeevi Yexuwa, Kademiyeli, Haxabiniya, Xerebeya, Hodiya, Xibaniya ni Petahiya yaaheera: “Mweemele muntthapeleke Yave Mulukwaanyu ori oohimala.” Nsinananyu noovuwaxa nreelihiwe. Nivuwihiweke woopwahaxa mareeliho ni otthapela wootheene.

Icipo 145:3

Mutokweene ni oophwanela oovuwihiwa ti Yave; otokweenaawe khoonkota.

Icipo 150:2

Munttottopele niwoko na mitekosawe sa ikuru; munttottopele niwoko na Otokweenaawe woohilikanxereya.

Icipo 18:3

Kinimwiitthana Yave mwa Yoowo omphwanela ottottopeliwa ni miyo koovuluxiwa wa amwiittanaaka.

Icipo 48:1

Mutokweene ti Yave omphwanela ottottopeliwa wootheene musidadeni mwa Mulukwaahu, vamwaakoniwawe wootteela.

Icipo 66:3

Mmweereleke: “Mitekosanyu ti sootikhiniheyaxa! Ikurusanyu ti sitokotoko moota wooweera amwiittanaanyu aniipurula ohoolowanyu.

Icipo 66:5

Ngweeke ni moone yeeyo Muluku opankaawe. Miteko aapakenlaawe atthu ti sooreeraxa.

Icipo 76:7

Ontthuneya owoovani Nyuwo paahi. Khaawo anaawere opwaherera ohoolowanyu Nyuwo munyoonyiweene.

Icipo 86:10

niwoko Nyuwo ti Mutokweenexa mpakaka miteko sootikhiniha; Nyuwo paahi ti Muluku!

Icipo 89:7

Munthukumanoni wa ootteela, Muluku ti oowooveya; Owo ti oowoopiha waapwaha ootheene amurukureenre.

Icipo 95:3

niwoko Yave ti Muluku Mutokweene; Mwene Mutokweene opwaha miluku sootheene.

Okhuma 18:11

Vano koosuwela weera Yave ti mutokweene oopwaha miluku sootheene sikina, niwoko na yeeyo aapakenlaawe yaawo yaahasula aYixrayeli moota woowiixoona.”

Yeremiya 5:22

Nyuwo khoontthuneya okoova?” onghima Yave, “koontthuneya othukumela ohoolowaka? Ti Miyo kikhalihale muhaava ntoko mwiinano wa ephareiya – mwiinano woohimala ephareiya ehingweraaya ovinuwa. Mitekuteku sinoophweeya, mene khasingwera opwaherera; seiyo sinoowera oruma, mene khasingwera ovinuwa mwiinaanoweene yoowo.

Daniyeli 2:47

Mwene aamweerela Daniyeli: “Vekhaikhai Mulukwaanyu ti Muluku a miluku ni Apwiya a mamwene ni Namathupulula a mitikhinelo, niwoko moowera woonihera ntikhinelo nna.”

Luuka 12:5

Vano Miyo kinoowooniherani taani ontthuneya omoova. Mmoove Yoole oneera iiva erutthu, onooweratho ovonyera mmooroni. Aani, Miyo kinooleelani: mmooveke Yoowo.

Ethupululo 15:4

Taani aneera ahiwooveni, Apwiya, ni aneera ahivuwihe Nsinananyu? Vano, Nyuwo paahi ti ootteela. Ilapo sootheene nsirwe ni nsilape ohoolowanyu, niwoko mitekosanyu sa ekhaikhai sohooniheriwa.”

1 Samuweli 4:8

Ii! Nnoohaawa! Taani anaanitapuxe mmatatani mwa miluku sooweraxa iyo? Ti milukusene seiye saahoonxe awExipitu ni mahooxo oohiyanahiyana munikareni.