Icipo 82:3 - Emakhuwa Bible

³ Ngwaakihe oohilipa ni akwaasuni; mpwatthe sootthuneya sa oohaawa ni oohasuliwa.

Icipo 82:3 Iomraidhean Croise

Yobi 29:12

niwoko miyo kaamukhavihera namahaawa aavekela ekhavihero, ni mukwaasuni ahaakhalanne oomukhavihera.

Yobi 31:21

Kaapanke itthu iyo hoye hoye kaamvirikanyihenleene mukwaasuni, kisuwelaka weera aphuki ari a mpattaaka,

Icipo 10:18

Mungwaakiha akwaasuni ni oohasuliwa weera mutthu ongweherera okhwa ahihokoleele woopopiha.

Okhuma 23:3

Muhimpakele nthalu mutthu oohaawa vantthekoni.

Okhuma 23:6

Muhaakhoottele oohaawa mmilattunimwaya othoriha nnene.

Masu a Miruku 31:9

Mukhuwele ni muthorihe ni ekhaikhai; mwaakihe soophwanela sa oohaawa ni oothoiwa.

Yesaya 1:17

muxuttere opaka yooreera, mwaasaase ekhaikhai, mmalihe nihasu. Ngwanele soophwanela sa akwaasuni ni mwaakihe mulattu wa asinaamukhweli.”

Yesaya 1:23

Anamalamulaanyu ari anamavaanya aneetta vamoha ni anamwiiya; awosa ootheene ansivela makhwankwa yaasaasaka soovahiwa. Awosa khaanaakiha soophwanela sa akwaasuni ni khaanaasaasa osuwela mulattu wa asinaamukhweli.

Yeremiya 21:12

Ii! Ekhapira ya Davide, Yave oneera ha: Mpake ekhaikhai khula oxeexelo ni mmoopole mmatatani mwa namahasula yoole ohuhuliwe. Waahikhala hiiho, isarasaka sinoopatta sihiseke ntoko mooro woohicipiheya niwoko na soonanara mumpakaanyu.

Yeremiya 22:16

Awo yaahaakiha nthowa na oohaawa ni ootthoiwa, tivawo sootheene saaweettelaaya nnene. Eyo ti eneero ya okisuwela Miyo,” onghima Yave.

Yeremiya 22:3

Yave oneera ha: Mpake yeeyo eri ya ekhaikhai ni yoororomeleya. Mmoopole mmatatani mwa namahasula yoole ohuhuliwe. Muhimupakeleru yoonanara hata nihasu namarwa, akhwaasuni naari asinaamukhweli ni muhimwiiveleru oohinthowa vanipuroni nna.

Yeremiya 5:28

enenevaka ni ecaaka nnene. Mitekosaya soonanara khasinono nyiinano; awosa khaanimpwattha mukwaasuni naari khaanaakiha soophwanela sa namahaawa.

Zakariya 7:9

“Yave a ikuru sootheene oneera ha: ‘Mpake ekhaikhai moota woororomeleya, mmorelaneke ikharari, mooniheranaka murima wooreera.

Deuteronomiyo 10:18

Owo onniwaakiha akwaasuni ni asinaamukhweli amusivelaka namarwa amvahaka yooca ni yoowara.

Deuteronomiyo 24:17

Muhivirikanyihe ekhaikhai mwaathorihaka anamarwa hoye hoye akwaasuni naari muhikuxe mukaandyo wa naamukhweli ntoko yooweemexera.

Yakobe 1:27

Vano, ediini Muluku Atithihu onaakhulelaawe ntoko yootteela ni yoohikhala malepa, ti ela: waakosoopa akwaasuni ni asinaamukhweli mohaawanimwaya ni wiisusiha wa soovaliha sa mweelaponi.