Icipo 82:2 - Emakhuwa Bible

² Mpaka yaakhani muneeraanyu ngwaakihe anamathowa mwaakhalelaka mpatta atakhali? Sela*

Icipo 82:2 Iomraidhean Croise

1 Mamwene 18:21

Eliya aaheemela ohoolo wa muloko eeraka: “Heeni munghovelaanyu othanla? Yave aari Muluku, muntthareke; vaheera Bahali* ari Muluku, vano muntthareke!” Wa soothesene, muloko waari emaalelo.

2 Nyaha 19:7

Vano munttittimihe Yave ni mwiipasoopeno moota munthorihaanyu, niwoko Yave khamvilela ohiroromeleya, hata khanthalu, naari khanaakhulela makhwankwa.”

Yobi 32:21

Khaawo kineeraaka kimukhalele nthalu naari mmoha a nyuwo, hata nkaasaasera omusiveliha mukina.

Yobi 34:19

Owo khanoonihera nthalu aweerelaka anamwane a mamwene, ni khanimpakela mpatta thadyiri amunyoosaka oohaawa yeenre ootheene epakiwa ni matataawe.

Icipo 62:3

Mpaka yaakhani muneeraanyu mukiwaneno, ootheene etthunaka okiiva – miyo kiri ntoko exiri yoothetemana ni ntoko etthu yootekeleliwa ehaleelaka omora?

Okhuma 10:3

Moisesi ni Aharoni yaarowa wa Farawu* emweerelaka: “Yave, Muluku a aHeberi eenre ha: ‘Mpaka yaakhani mukhoottaka wiiyeviha ohoolowaka? Muhiyeke mulokwaaka weera wakilape!

Masu a Miruku 18:5

Khoonreera waakhalela mpatta atakhali ngwiiyeraka oororomeleya ekhaikhaiyaaya.

Ezekiyeli 45:9

Yave onlamula sootheene, oneera ha: Ii! Anamwane a mamwene a oYixrayeli, nyuwosa mootepihaxa paahi! Muhiye nipuheronanyu, nihasunanyu ni mpake yeeyo eri yoororomeleya ni yoowookoleleya. Muhiyerere okuxa yeeyo eri ya mulokwaaka,’ onghima Yave onlamula sootheene.

Levitiku 19:15

Muhivirikanyihe ekhaikhai mwaathorihaka, muhimuthorihele oohaawa ni nthalu naari muhaathorihele asitokweene ni nthalu, mene munthorihele mukhwiinyu ni ekhaikhai.

Matheyo 17:17

Yeesu aahaakhula: “Ekhapira yoohiroromela ni yoonanara! Mpaka yaakhani kineeraaka kikhale ni nyuwo? Mpaka yaakhani kineeraaka koovileleni? Mukiruuhele mmiravo.”

aGalata 2:6

Wa yaale yooniwa ntoko asitokweene – moota yaattharaaya khalayi, miyo nkimpwattha, niwoko Muluku khanthoriha omokoni wa mutthu – asitokweeneene yaawo khayaakaandyeereringhe etthu.

Deuteronomiyo 1:17

Muhithorihe ni nthalu, mene mmwaakhulele okhuma mutokweene mpaka mukhaani. Muhimoove akhalaru mutthu, niwoko othoriha ti wa Muluku. Yakhala makacamiho oowoorikaxani, mukiruuhele. Kinooreherera.”