Icipo 81:3 - Emakhuwa Bible

³ Mwiipele nipalapatta wooneya wa mweeri munyowani ni wa mweeri woowunnuwa, vanihukuni na efestaahu.

Icipo 81:3 Iomraidhean Croise

2 Mamwene 4:23

Aiyawe yaamukoha: “Heeni olelo? Khoohiyono mweeri munyowani hata eSaabadu?” Owo aawaakhula: “Muhipwatthe yeeyo.”

1 Nyaha 15:16

Davide aahaalamulelatho ahooleli a aLeevi weera yaathanle eriyari ya axunnaya anamwiipa yiipe icipo sa ohakalala, siipiwaka ni ikaruma sa icipo: atthakare, amakita ni ikengere.

1 Nyaha 15:19

Anamwiipa Hemani, Asafi, ni Eta waatthuneya wiipa ikengere sa ebronze*;

1 Nyaha 15:24

Asaserdoti* Xebaniya, Yoxafati, Netaneli, Amasai, Zakariya, Benaya ni Eliyezeri, waatthuneya wiipa mapalapatta ohoolo wa Arka* a Muluku. Obede-Edomi ni Yehiya waatthuneyatho okhala anamalipelela a milako ni waawehaweha Arka*.

1 Nyaha 16:42

Hemani ni Yedutuni, mutekwaaya waari wiipa wa mapalapatta, ikengere ni ikaruma sikina soomwiipela Yave. Anamwane asilopwana a Yedutuni yaathanliwe okhala anamalipelela a milako.

1 Nyaha 16:6

Asaserdoti* Benaya ni Yahaziyeli waatthuneya wiipa mapalapatta ehuhu yootheene ohoolo wa Arka* a wiiraana a Muluku.

1 Nyaha 25:1

Davide vamoha ni asitokweene a anakhotto, aahaathanlela anamwanaawe asilopwana akina akina a Asafi, Hemani ni Yedutuni muteko wa othalihera otthuna wa Muluku, moorumani wa amakita, atthakare ni ikengere. Masina a yaawo yaathanleliwe muteko owo, ti ala:

2 Nyaha 13:12

Moone nnenesene! Muluku ori ni hiyo; Owo ti Mutokweenaahu. Asaserdotaawe, ekuxaleene mapalapattaaya anoowiipelani mapalapatta weera ekhuwelele ekhotto. aYixrayeli, muhingwaneno Yave, Muluku a makholowaanyu, niwoko nyuwosa khamuwina.”

2 Nyaha 13:14

Anakhotto a oYuda yaarukunungwaaya yoonaka weera yaawananiwa mpatta wa ohoolo ni ottuli, yaamukhuwelela Yave. Asaserdoti* yaahiipa mapalapattaaya

2 Nyaha 2:4

Kihanle vakhaani oteka Empa ya Muluku, kittittimiherelaka Nsina na Yave, Mulukwaaka. Kintthuna omutteelihera Yoowo, weera ehiseriwemo erubani* yoowunkhelaxa ohoolowawe, yooniheriwe woohihiyerera epaawu yootteeliheriwa, ni sipakiwe sooveleela soohisa khula oxeexelo ni oxekuwa, muSaabaduni, mfestani sa nyeeri sinyowani ni mfestani soothanliwa sa Yave, Mulukwaahu. Ela ti ekano yoohimala wa aYixrayeli.

2 Nyaha 5:12

aLeevi ootheene yaari anacipo – Asafi, Hemani, Yedutuni vamoha ni anamwanaaya asilopwana ni amusaaya yaaheemela mpatta ninkhuma nsuwa wa altaari*, ewanreene ikuwo sootteettheya, yiipaka ikengere, amakita ni atthakare, ehooliwaka ni asaserdoti* ncira ni miloko miili yiipaka mapalapatta.

2 Nyaha 8:13

attharihaka sootthuneya sa sooveleela sa khula nihuku Moisesi aalamulenlaawe mwaha wa iSaabadu, nyeeri sinyowani ni sa ifesta tthaaru sa vayaakhani: Efesta ya ipaawu soohikhalano eferementu, efesta ya isimana ni efesta ya mmikotthani.

Icipo 149:3

Awosa ettottopele Nsinanawe yiinaka; emmwiipele icipo ni oruma wa ekoma ni makita.

Icipo 33:2

Muntthapele Yave ni makita; mmwiipele ni lira* a ifiiyu muloko.

Icipo 98:6

ni malope ni oruma wa nipalapatta – mukhuwele ni ohakalala vamaithoni wa Yave ori Mwene!

Icipo Soolalamika 2:6

Owo ookurumula woomakawawe ntoko nttimbe piswa; oophwata nipuronawe na mithukumano. Yave oopakiha weera Siyoni attiwale ifestasawe soothanliwa ni iSaabadusawe; moonyoonyiwanimwawe otokotoko oomukhootta mwene ni musaserdoti*.

Nahumi 1:15

Woone oYuda! Siriwo vamwaako inaawo sa yoole onruuha mutthenga wooreeraxa ni onlaleiya murettele! Opakeke ifestasawo oYuda ni okwanihere soororomelihasawo. Anamariheya kheerwatho ehonona; awo anoophwataxiwa.

Nuumeru 15:3

ni mwaamuruuhelaka Yave yooveleela ya imombe hoye hoye ikhondoolo – yoorehereriwa vayikho ntoko yoowunkhela yoomusiveliha Yave, ekhalaka yooveleela yoohisa hoye hoye ekina, ekhalaka weera mukwanihere yoororomeliha, hoye hoye ntoko yooveleela ya otthunawanyu naari yooveleela ya yakhalaru efesta,

Nuumeru 28:11

Vanihukuni noopacera na khula mweeri, mumveleelele Yave yooveleela yoohisa ya aximombe piili, napunci mmoha a ikhondoolo ni iputtiputthi ithannapiili sa eyaakha emoha, sootheene iyo soohirakala.

Deuteronomiyo 16:15

Wa mahuku mathannameeli mumpakele Yave Mulukwaanyu efesta ya mmikotthani vanipuroni owo aneeraawe athanle. Yave Mulukwaanyu onooreeliha soohephasanyu sootheene ni sootheene mumvaraanyu ni ohakalalawanyu onookwanela.

aKolosi 2:16

Tivawo muhimuhiye mukina oothorihakani niwoko na yeeyo nyuwo munkhuuraanyu, naari mungwuraanyu, hoye hoye niwoko na efesta ekina ya ediini, naari na wuupuwelela nyeeri sinyowani, hoye hoye nihuku na eSaabadu.