Icipo 72:10 - Emakhuwa Bible

¹⁰ Mamwene a oTaresisi ni a iphareiya soorakamela anoomuruuhela soovaha ni hiihotho mapwiyamwene a oXeba ni a oSeba.

Icipo 72:10 Iomraidhean Croise

Epacerero 10:7

Anamwane a Kuxe yaari ala: Seba, Havila, Sabeta, Rahama ni Sabuteka. Anamwane a Rahama yaari ala: Xeba ni Dedani.

1 Mamwene 10:1

Pwiyamwene a oXeba iiwakaru sa epili ya Salomoni aaphwannyaawe ni ekhavihero ya Yave, aarowa oYerusaleemu weera amoote murima ni sookoha soorika.

1 Mamwene 10:10

Owo aamvaha mwene ikiilu* macira miloko mixexe sa eyuuma yoorikaxa, itthu sooreerela sincipale ni maluku oowaaraxa. Khasinaruuhiwetho itthu sooreerela sincipale ntoko seiye pwiyamwene a oXeba aamvanghaawe mwene Salomoni.

1 Mamwene 10:2

Aaphiya oYerusaleemu ahooliweene ni mukuttula mutokotoko wa ikamelu* sikuxaleene itthu sooreerela, eyuuma yoorikaxa ni maluku oowaaraxa. Aarowa wa Salomoni, anamukoha mwaha wa sootheene saari mmurimanimwawe.

1 Mamwene 10:25

Eyaakha ti eyaakha khula mutthu aarwa omuxekura annamuruuhela soovaha– itthu sa eparatha*, eyuuma yoorikaxa, mikaandyo, ikapwitthi, itthu sooreerela, ikavalu* ni abuuru.

2 Nyaha 9:21

Mwene aakhalano nakupa a makula matokotoko yeettihiwa ni anamweettiha a makula matokotoko a Hirami. Khula iyaakha tthaaru, makula matokotoko ti yaahokolowaaya ekuxaleene eyuuma yoorikaxa, eparatha*, maino a etthepo, akhole ni ilupa.

Exteri 10:1

Mwene Ahaxeveroxi aalamula oliviwa musoko moomwenenimwawe moothemwene, mpakatho ilapo soorakamela mukerekhere ephareiya.

Icipo 45:12

Mwaana muthiyana a oTiro onooruuha yoovaha; atthu arino mihakhu sincipale animwaasa murimaanyu wooreera.

Icipo 68:29

Niwoko na Empaanyu eri oYerusaleemu, mamwene animooruuhelani soovaha.

Icipo 68:30

Muhiihe enama yooluwa variyari wa etiili; mihuwo sa imombe ilopwana variyari wa aximombe a muloko. Yooyevihiweene enruuha mwithi wa eparatha*. Mmwaramwaxe miloko sintthunaxa ekhotto.

Yesaya 42:10

Mmwiipele Yave ecipo enyowani, ottottopeleyawawe okhuma ekotenle elapo nyuwosa muneetta mphareiya ni sootheene siri mwemmo, nyuwosa icirumba ni sootheene sinkhalamo.

Yesaya 42:4

Owo khoonihera okhulumuwa naari khaporora mpaka aneeraawe akhalihe ekhaikhai mweelaponi. Icirumba sinoororomela munlamulonimwawe.”

Yesaya 43:3

Niwoko Miyo ti Yave Mulukwaanyu, Ootteela a oYixrayeli, Mvuluxaanyu. Miyo kininnyerera wExipitu ntoko nlivo weera moopoliwe ni oKuxe ni oSeba vanipuroniwanyu.

Yesaya 43:6

Kinimweerela mpatta wa ottuttuwani: ‘Ngwinnyerere yaawo!’ Ni wa ohitto: ‘Muhiwooceelihe ohokolowa.’ Ottai ottai mwaaruuhe anamwanaaka asilopwana ni ekotenle elapo anamwanaaka asithiyana –

Yesaya 49:7

Vano Yave, Mvuluxa ni Ootteela a oYixrayeli onimweerela yoole ooramusiwa ni oothanyiwa ni miloko, murumeiyi a anamalamula: “Mamwene anoowoonani, eneemela; anamwane a mamwene anoowoonani, enakokhora niwoko na Yave ori oororomeleya, Ootteela a oYixrayeli othanlaleni.”

Yesaya 60:3

Miloko sinimoowa ngwaaraniwanyu ni mamwene ngwaarani wa oxeexelowaanyu.

Yesaya 60:6

Mukuttula wa ikamelu* onoosareya elapwaanyu, ikamelu* inyowani a oMidiyani ni wEfa. Ootheene a oXeba animoowa ekunxeene eyuuma yoorikaxa ni erubani* elaleiyaka ottottopeleya wa Yave.

Yesaya 60:9

Vekhaikhai, icirumba sinkiweherera Miyo; oopacera ti makula matokotoko a oTaresesi yaaruuhaka anamwaniinyu okhuma ottaiwene, ekunxeene eparatha* ni eyuuma yoorikaxa wa nttittimiho na Yave Mulukwaanyu, Ootteela a oYixrayeli niwoko Owo ohiiwariha waara.

Matheyo 2:11

Woovolowani mpaani, yaamoona Mwaana areene ni amayawe Mariya. Yaamukokhorela ni yaamulapa. Yaahula mirupasaya ni itthu sooreera saarimo, enamvaha samahala: iyuuma soorikaxa ni makhura oowunkhelaxa.