Icipo 71:5 - Emakhuwa Bible

⁵ Ii! Yave onlamula sootheene, Nyuwo muri owehererawaka, ororomelawaka okhuma enamwanaaka.

Icipo 71:5 Iomraidhean Croise

1 Mamwene 18:12

Nkisuwenle woowi Munepa wa Yave oneeraaya woorongheni miyo koohiyakani. Miyo karowa omuleela yeeyo Ahabi ni owo aahoophwanyani, onookiiva. Miyo kiri murumeiyaanyu kinnamutthapela Yave okhuma emirawaaka.

2 Nyaha 34:3

Vayaakhani yanaathannaararu ya olamulawawe, areene nlelo mmiravo, owo aapacera omwaasa Muluku a Davide, nikholonawe. Vayaakhani yanaamuloko ni piili aapacera otteeliha oYuda ni oYerusaleemu mapuro oolapa a miluku soowootha, nyiri soothipeleliwa sa Axera, icaambulo soopatthiwa, ni soohaniwa.

Icipo 119:166

Ii! Yave, kingweherera ovuluxawanyu ni kintthara malamulowaanyu.

Icipo 119:81

Okumaaka onghaawelaxa ovuluxawanyu, mene owehererawaka ori mmasunimwanyu.

Icipo 13:5

Wa soothesene, miyo kinroromela osivelawanyu woororomeleya; murimaaka onghakalalela otapuxawanyu.

Icipo 39:7

Mene vano Yave, kiwehererekeni? Ororomelawaka ti mwa Nyuwo.

Icipo 42:11

Ii! Okumaaka – muthananenle heeni? Munriipeliwa heeni murima? Munroromele Muluku, niwoko kinoomutthapela Yoowo, Mvuluxaaka ni Mulukwaaka.

Icipo 71:17

Ii! Muluku, mookixuttiha okhuma enamwanaaka ni mpaka olelo kinnahima mitekosanyu sootikhiniheya.

Namalaleiya 12:1

Omuupuwelele Mpattuxaawo mmahukuni a omiravowaawo, ehinaaye ophiyera mahuku a makacamiho ni okhuveela iyaakha oneeraawo weere: “Nkinghakalalela seiyo,”

Yeremiya 14:8

Ii! Oweherera wa oYixrayeli ni Mvuluxaaya mweehuhuni yoovalaveliha, heeni munkhalaanyu ntoko namarwa mweelaponi, ntoko namukwaha omviriha ohiyu mmoha paahi?

Yeremiya 17:13

Ii! Yave, Oweherera wa oYixrayeli – ootheene anoohiyani Nyuwo anoohaawa wuulihiheya muru. Yaale anoohuluwani, vano masinaaya anoolempwa muntthupini, niwoko na omuhiya Yave, Naattuuttu a maahi a okumi.

Yeremiya 17:17

Muhikhale moopopiherowaaka; Nyuwo ti Wootthawelawaka vanihukuni na erisa.

Yeremiya 17:7

Vaheera ooreelihiwa yoole onimuroromela Yave, aani onimuroromela Yoowo.

Yeremiya 50:7

Ootheene amphwanya anookhuura. Awananaaya yeenre: ‘Khaninthowa, niwoko awo aamutthekela Yave, Moocamwaya xaxaxa, aani Yave ori Oweherera wa makholowaaya.’

Luuka 2:40

Mmiravo annunnuwa ni annalipa, asareyaka ni miruku, ni mahala a Muluku yaari ni Yoowo.

aRooma 15:13

Muluku a nroromelo oosariheni ni ohakalala ni murettele wootheene nyuwo munroromelaka Yoowo, weera mwaatte munroromeloni niwoko na ikuru sa Munepa Wootteela.

2 Timootheyo 3:15

Vano, okhuma enamwanaawo woosuwela Yoolempwa* Yootteela, engwera woovaha miruku sinrongha woovuluwani niwoko na nroromelo mwa Kristu Yeesu.

1 Samuweli 16:13

Vano Samuweli aakuxa nnyaka noosareya makhura, anamuttikitthela vamaithoni wa axunneiye ni okhuma nihuku nenenenne Munepa wa Yave waamurweela Davide mukuruni. Vahoolowaya Samuweli aahokoleela oRama.