Icipo 67:7 - Emakhuwa Bible

⁷ Muluku onoonireeliha ni elapo ya vathi yootheene enoomoova.

Icipo 67:7 Iomraidhean Croise

Icipo 22:27

Atthu a elapo ya vathi yootheene anoomuupuwelela, ehokoleeleke wa Yave, ni imusi sootheene sa miloko sinoomukokhorela,

Icipo 29:11

Yave omvaha ikuru mulokwaawe; Yave onreeliha mulokwaawe ni murettele.

Icipo 33:8

Elapo yootheene ya vathi emooveke Yave; miloko sootheene sa mulaponi simuttittimihe Yoowo.

Icipo 65:5

Ii! Muluku, Mvuluxaahu, Nyuwo munaakhula ni miteko sootikhiniheya soororomeleya. Nyuwo ti oweherera wa elapo ya vathi yootheene ni mpaka wa iphareiya sa ottaiwene.

Icipo 72:17

Nsinanawe nipwaherereke wa mahuku ootheene ni epilaawe elekele nsuwa noopaka. Miloko sootheene sinooreelihiwa mwa yoowo ni awosa anoomweerela ooreelihiwa.

Icipo 98:3

Owo ohuupuwelela osivelawawe woohihiyanyiheya ni ororomeleyawawe wa ikhapira sa oYixrayeli; elapo ya vathi yootheene yohoona ovuluxa wa Mulukwaahu.

Yesaya 30:23

Owo onimooruuhelanitho epula wa mmiso muneeraanyu mwaale ni etthaya enooruwera yooca yoowaatta. Vanihukuni nenenenno mihuwosanyu sinimooca moowaatta.

Yesaya 43:6

Kinimweerela mpatta wa ottuttuwani: ‘Ngwinnyerere yaawo!’ Ni wa ohitto: ‘Muhiwooceelihe ohokolowa.’ Ottai ottai mwaaruuhe anamwanaaka asilopwana ni ekotenle elapo anamwanaaka asithiyana –

Yesaya 45:22

Muhokoleele wa Miyo ni mvuluxiwe, nyuwosa a ekotenle elapo, niwoko Miyo ti Muluku ni Khoowowo muluku mukina kihikhanle Miyo.

Yesaya 52:10

Yave onimoonihera moonowaawe wootteela vamaithoni wa miloko sootheene ni ekotenle elapo yootheene enimoona ovuluxa wa Mulukwaahu.

Levitiku 26:4

kinimoorupihelani epula mweehuhunimwaya ni imatta sinooruwera soohephasaya ni nyiri sa ntuphini soowiimasaya.

Mikeyasi 5:4

Owo onimweemela ni onookukhula muhuwaawe mukuruni sa Yave, mootokweeneni wa Nsina na Yave, Mulukwaawe. Hiiho awosa anookhala oolipeene niwoko wunnuwawawe onoophiyera elapo yootheene.

Zakariya 8:12

Onimwaattaxa mmiso ni imatta sa iwuuva* sinooruwera soowiimasaya, etthaya enooruwera soohephasaya ni erimu enimwiimiha nikame. Kinimwaavaha itthu sootheene iya yaawo ahalahanle a muloko ola.

Zakariya 9:10

Owo onoophwata ikaaro sa ekhotto sa wEfrayimi, ikavalu* sa ekhotto sa oYerusaleemu ni nyuura sa ekhotto sinimwintakiwa. Owo onoolaleera murettele wa miloko, alamulaka okhuma ephareiya ni ephareiya; okhuma mooloko Efratesi mpaka ekotenle elapo.

Malekiya 1:11

Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Malekiya 4:2

Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

Miteko 13:26

Axunna, anamwane a Abrahaamu ni nyuwo mummoova Muluku, wa hiyo noorumiheliwa mutthenga ola wa ovuluxiwa,

Miteko 13:47

Vano, hiiho Apwiya aanilamulela yeeraka: ‘Miyo kohookhalihani waara wa amalapo, weera mukuxe ovuluwa mpaka ekotenle elapo.’”

Miteko 2:28

Nyuwo mookisuweliha iphiro sa okumi ni mmwikisarihe ni ohakalala vamaithoniwanyu.’

aGalata 3:14

Aapakenle yeeyo weera, niwoko na Yoowo, nreeliho na Abrahaamu niphiyetho wa amalapo nitho weera hiyo naakhele munroromeloni yoororomelihiwa ya Munepa.

aGalata 3:9

Hiiho, yaale anroromela ari ooreelihiwa vamoha ni Abrahaamu, mulopwana a nroromelo.

Ethupululo 15:4

Taani aneera ahiwooveni, Apwiya, ni aneera ahivuwihe Nsinananyu? Vano, Nyuwo paahi ti ootteela. Ilapo sootheene nsirwe ni nsilape ohoolowanyu, niwoko mitekosanyu sa ekhaikhai sohooniheriwa.”