3 Nyuwo muri wootthawelawaka; Nipuro Noolipaxa nootthawelamo wa amwiittana.
Eenre akiiwaka, miyo kinoomwiitthana wa mahuku ootheene a okumaaka.
Ii! Yave onlamula sootheene, Namoopolaaka oolipaxa, Nyuwo munaakiha muruwaaka munihukuni na ekhotto.
Yave ti Mwalaaka, Woolipawaka ni Namoopolaaka. Mulukwaaka ti Mwalaaka, mwa mwemmo kintthawelaakamo. Owo ti Exikudwaaka ni Nnyaka na ovuluxiwawaka – Nipuronaka noolipaxa nootthawelamo.
Vano nihuku na mahooxo, Owo onookikosoopa nnenesene mpaanimwawe; Owo onookiipithiha mutabernaakulunimwawe* akiikaathiki oolipeene vamwalawawe.
Ovuluxiwawaka ni ottittimiheyawaka onrweela wa Muluku; Owo ti Mwalaaka oolipa ni Wootthawelawaka.
Nsina na Yave ti Nipuro Noolipaxa nootthawelamo; oororomeleya antthimakela weiwo, enakhala oolipeene.
Owo oonoopola wa woopiha otokotoko wa okhwa, ni anaapwaherere onoopola. Ninnimuroromela Yoowo weera anaapwaherere onoopola,