Icipo 51:4 - Emakhuwa Bible

⁴ Kohootthekelani Nyuwo paahi, kipakaka yeeyo eri yoonanara vamaithoniwanyu moota wooweera nthorihelonanyu ti na ekhaikhai ni moophwanela okittaruxa.

Icipo 51:4 Iomraidhean Croise

Epacerero 20:6

Vano Muluku aamwaakhula moolohani: “Aani Miyo koosuwela weera weyo opanke yeeyo ni murima wootteela. Miyo muneenaaka koowooceeliha weera ohikitthekele Miyo, tivawo kihootthunihenraaka omutava.

Epacerero 38:7

Wa soothesene, Yave khawaamusivenle mweettelo wooriheya wa Eri, ntthaara na Yuda, tivawo aamwiivalaawe.

Epacerero 39:9

Khawowo mutthu mukina a vaate va ookipwaha miyo. Sootheene kinlamula ti miyo woohiyani nyuwo paahi muri amwaaraya. Moota heeni miyo kineeraaka kipake etthweene yeeyo yoonanara kimutthekelaka Muluku?”

Epacerero 9:6

Yoowo aneera ayeehe ephome ya mukhwaawe, ephomaawe eniiyeehiwe, niwoko mutthu aapathuxiwe mweekhaleloni ya Muluku.

2 Mamwene 17:17

Yaahaahisa ntoko yooveleela asinamwanaaya asilopwana ni asithiyana. Yaaheettelasa ihako ni sa okhwiri, yiithumihaka weera epake soonanara vamaithoni wa Yave, enatannya isarasawe.

2 Mamwene 21:6

Aamuhisa mwanawe mulopwana; aapaka sa okhwiri ni ihako; aarowa wa anamadyiini ni atthu anuuluma ni minepa. Aapaka soonanara sincipale vamaithoni wa Yave atannyaka isarasawe.

Icipo 50:4

Oniitthana wiirimu osulu ni elapo ya vathi weera athorihe mulokwaawe:

Icipo 50:6

Wiirimu onlaleiya ekhaikhaiyaawe, niwoko Muluku muneenaawe ti Mphuki. Sela*

Yesaya 43:25

Miyo, aani Miyo ti Yoole ommaliha soonanarasanyu moosivelani ni nkuupuwelatho sootthekasanyu.

Levitiku 5:19

Ti yooveleelela nthowa; vekhaikhai owo aakhalano nthowa niwoko aamutthekela Yave.

Luuka 15:21

Mwaana aaweerela: ‘Tiithi, kootthekela wiirimu ni kohootthekelani nyuwo. Nkiphwanenle wiitthaniwa mwaninyu.’

Luuka 7:29

Muloko wa atthu wootheene mpaka anamaliviha a musoko, yiiwaka masu a Yeesu, yaahaakhulela weera ephiro ya Muluku ti ya ekhaikhai, niwoko yaapatisiwa ni Yohaane.

Miteko 17:31

Aakhaliha nihuku nimoha Owo aneeraawe athorihe elapo ni ekhaikhai mwa Mulopwana omuthanlalaawe. Ni ohoonihera yeeyo wa omutthu wootheene, woomuvenyereriha Mulopwana Owo.”

aRooma 2:5

Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.

aRooma 3:4

Hata vakhaani! Muluku akhaleke a ekhaikhai, ni atthu ootheene anamootha. Ntoko elempwalaaya: “Weera yaakhuleliwe maswaanyu ntoko ekhaikhai nyuwo muulumaka, ni mmwiwine nyuwo mwaathorihiwaka.”

Yakobe 2:11

Owo eenre: “Muhiraruwe” eenretho: “Muhiive.” Nyuwo mwaahiraruwa, mene mwiiva, munookhala mutthu oohiiwelela nlamulo.

Yakobe 2:9

Mwapaka nthalu ni atthu, munoottheka ni munoothorihiwa ni nlamulo ntoko atakhali.

Ethupululo 16:5

Vano kaamwiiwa ndyelo aarino ikuru sa maahi ootheene, eeraka: “Othorihawanyu ti wa ekhaikhai, Nyuwo muri ni mwaari, Ootteela,

Ethupululo 19:11

Kaahoona wiirimu ohuleiyeene ohoolowaka ni ekavalu* yootteela mwa yeeyo Namweettihaaya oniitthaniwa Oororomeleya ni Ekhaikhai. Owo onthoriha ni ongwana ni ekhaikhai.