Icipo 5:6 - Emakhuwa Bible

⁶ Munaaphwata anamootha; munaathanya anamwiiva ni anamavariha.

Icipo 5:6 Iomraidhean Croise

Epacerero 34:14

Vano yaaheera: “Khoongwereya opaka yeeyo nimvahereraka murokorihu wa mulopwana oohiineliwa. Napaka yeeyo, eniikhale yoonuuliha muru.

2 Samuweli 16:8

Yave ohoohokoloxera ephome yootheene eyeehiwe mweemusini ya Sawuli, nipuro nenenenno olamulenlaawo. Yave ohinnyerera omwene mmatatani mwa mwaniyo mulopwana Abesalomi. Weyo woophwatiwa niwoko ori mulopwana a ephome.”

2 Samuweli 20:1

Vanonto aakhalawo mulopwana mmoha ookukureya iitthaniwa Xeba, mwaana mulopwana a Bikeri, muBenyamini. Aahiipa nipalapatta akhuwelaka: “Khaninono mpatta wa Davide! Mwaana mulopwana a Yixai khannimpwattha! Khula muYixrayeli aroweke owaani!”

Icipo 11:5

Yave onoowoota murima oororomeleya, vaheera onaathanya atakhali ni yaale ansivela nipuhero.

Icipo 4:2

Mpaka yaakhani nyuwo asilopwana oowera muneeraanyu muhiye otatuxa ovuwawaka wuuliha muru? Mpaka yaakhani muneeraanyu musivele itthu soolokottha mwaasaasaka soowootha?

Icipo 43:1

Ii! Muluku, moonihere ohikhalanawaka nthowa! Mwaakihe mulattwaaka wa muloko woohiroromeleya! Mukoopole mwa atthu oovariha ni oonanara murima.

Icipo 55:23

Vaheera Nyuwo, Muluku, munaakuruxela atakhali munlittini na ophwata. Anamapuhera ni anamwiiva khaankwanihera eriyari ya mahukwaaya a okumi. Wa soothesene, wa mpattaaka, kinoororomelani Nyuwo.

Yesaya 26:21

Moone, Yave onkhuma omankaawewo weera athorihe miloko sa elapo ya vathi niwoko na sootthekasaya. Elapo enimoonihera ephome eyeeheriwemo; eyo khayaasungatho anamakhwaaya.

aRooma 1:29

Yaasareya mikhalelo sootheene sa soohookowa, otakhala, milili ni onarara. Aasareya nrima, wiiva, ohiiwanana, olokottha, ni murima woonanara. Ari anamwaapanana,

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”

Ethupululo 22:15

Omokoni wa esidade ankhala alapwa, akhwiri, anamararuwa, anamwiiva, anamalapa a miluku sikina ni ootheene yaawo ansivela ni ampaka soowootha.