Icipo 44:2 - Emakhuwa Bible

² Mohoomola miloko ni matataanyu, munaamakiha makholowaahu mulaponimwaya. Mwaaphwata miloko munaakhaliha nnenesene makholowaahu.

Icipo 44:2 Iomraidhean Croise

2 Samuweli 23:12

Wa soothesene, Xama aaheemela eriyari ya ematteene yeele, anaakihera ematta awiivaka aFilisti. Yave aangwinihaxa.

2 Samuweli 7:10

Kinoorehererela nipuro mulokwaaka, aYixrayeli, kimakihaka weera okhalane etthokwaayaxa ni ohuungurumihiwe. Miloko sootakhala khasoohooxaniru ntoko woopacera,

Icipo 105:44

Aavaha ilapo sa miloko ni aYixrayeli yaakuxa sooreerela sa miteko sa miloko sikina

Icipo 78:55

Aahoomola miloko saakhalamo avahaka mulokwaaya ilaposaya ntoko yoohiyeriwa; aapakiha weera ipuumba sa oYixrayeli siitekihemo mmaheemanimwaya.

Okhuma 10:2

Kinoopaka seiyo weera nyuwo ngwere waathalihera anamwaniinyu ni axisulwiinyu moota kaatheiyaaka awExipitu ni moota kaapakenlaaka sootikhiniha. Hiiho mmwisuwele weera Miyo ti Yave.”

Okhuma 15:17

Nyuwo mmwivolonghe ni mmwiphattheye vamwaakoniwanyu wa yoohiyeriwa; elapo Nyuwo, Yave, mpakenle wookhalawaya; Nipuro Nootteela* matataanyu atenkaaya.

Okhuma 15:19

Ikavalu*, ikaaro sa ekhotto ni anaweettiha a ikavalu* sa Farawu* evolowakaru mphareiya, Yave aahaakumanyihera maahi a ephareiya. Vaheera aYixrayeli yaalapuwa ephareiya vatthayani yoowuuma.

Okhuma 23:28

Kinootannyera mitteendehu weera siwoomole aHivi, aKanaani ni aHiti ohoolowanyu.

Okhuma 34:11

Mwiiwelele yeeyo kinoolamulelaakani olelo. Kinoowoomolelani ohoolowanyu awAmori, aKanaani, aHiti, aPerizi, aHivi ni aYebusi.

Yesaya 51:9

Ii! Moono wa Yave, mvenye! mvenye! mwiiwarihe ni ikuru, mvenye ntoko mmahukuni avinre ntoko mweehuhuni ya ikhapira sa khalayi. Ti nyuwo mwaamunyaannye Rahabi a mphareiya ni mwaathoronle enowa yoowoopihaxa ya mphareiyani.

Yeremiya 32:23

Awosa yaahoorwa okuxa elapo ela, mene khaawiiwelenleni hata khayeettenle Nlamulonanyu. Khaapankeru etthu ya seiye mwaalamulenlaanyu. Tivawo yiiruhenlaaya erisa yootheene ela.

Nuumeru 13:32

Vano awosa yaamwaramwaxa eriyari ya aYixrayeli mutthenga wookhootteya mwaha wa elapo ele. Awosa yaaheera: “Elapweene yeele naarongwaahu ohottela enaanyaanya yaawo ankhalamo. Ootheene niwoonnaahu ti oorakamaxa.

Deuteronomiyo 32:7

Muupuwelele mahuku a khalayi ni ikhapira sivinre. Mwaakohe atithinyu ni animooleelani; ahoolelaanyu ni animoothaliherani.

Deuteronomiyo 4:38

Aahoomola ohoolowanyu miluku sitokotoko ni soolipaxa eerelaka woovolonghani ni okuxa elapwaaya ntoko yoohiyeriwaanyu, mooteene yoola onooneyaaya olelo.

Deuteronomiyo 7:1

Yave Mulukwaanyu oovoleihakani mweelaponi mwa weiwo munrowaanyu okuxa, Owo onimoomola ohoolowanyu miloko sincipale – aHiti, aGiregaxi, awAmori, aKanaani, aPerizi, aHivi ni aYebusi – miloko mithannamiili soolipa woopwahasani nyuwosa.

Yoxuwa 10:11

Vano awosa yaatthawaka aYixrayeli onkhuruweloni wa oBeti-Horoni mpaka wAzeka, Yave aahaavonyera maralala matokweene wiirimu yaawiivale atthu ancipale opwaha ikatana sa aYixrayeli.

Yoxuwa 10:42

Owo aahaawina mamwene ootheene ale vamoha ni ilaposaya ekwaha emoharu yeeyo, niwoko Yave, Muluku a aYixrayeli, aahaawanela aYixrayeli.

Yoxuwa 11:23

Hiiho Yoxuwa aawina elapo yootheene, ntoko Yave aamulamulenlaawe Moisesi ni aahaavaha aYixrayeli, aakawelaka elapo ipuumbasaya ntoko yoohiyeriwa. Vahoolowaya elapo yaahiitthuuwa ni ekhotto.

Yoxuwa 21:43

Hiiho Yave aahaavaha aYixrayeli elapo yootheene aaroromelinghaawe ni nlipelo makholowaaya ni awosa yaakuxasa, eniitekihasa.

Yoxuwa 24:12

Kaahaawanawaniha weera kiwoomole ohoolowanyu ntoko kaaweeringhaaka mamwene meeli a awAmori. Khamwaawinne ni ekatana naari ni nyuupa.

Yoxuwa 3:10

Moota ola munoosuwela weera Muluku mukumi ori variyariwanyu ni weera vekhaikhai onoowoomola ohoolowanyu aKanaani, aHiti, aHivi, aPerizi, aGiregaxini, awAmori ni aYebusi.

Ahooleli 6:13

Gidiyoni aamwaakhula: “Ii! Apwiiya, waari weera Yave ori ni hiyo, heeni itthu sootheene iya sinnikhumelelaaya? Siri woowi sootikhinihasawe sootheene mwa seiye asitithihu yaanithalihenraaya yeeraka: ‘Ti Yave onikhumihale wExipitu?’ Vano Yave oonihiya aninnyereraka mmatatani mwa aMidiyani.”