9 Kiri emaalelo, kihihulaka eyanowaaka, niwoko ti Nyuwo mpanke yeeyo.
Wa soothesene, mwene aamwaakhula: “Mumpwatthela heeni yeeyo anamwane a Zeruha? Aari Yave omulamulenle okinyohola, vano nyuwo taani oomuhiiha?”
aneera: “Kikhumale woohiwara mmirimani mwa amayaka, ni nkittimuletho woohiwara. Yave aakivaha, ni Owo ookuxa; Nsina na Yave nittottopeliwe.”
Yobi aamwaakhula: “Nyuwo munuuluma ntoko mulolo. Naakheleleke paahi yooreera nivahiwaahu ni Muluku, woohaakhelatho yoonanara?” Waarookhalaru hiiho, Yobi khuulumaru naari nsu nimoha noomveiha Muluku.
Miyo kinkhala ntoko mutthu oowalana maaru aahiiwaka; ntoko mutthu oohuuluma ohingwera ohula eyanowaawe.
Atthu ootheene a elapo ya vathi khaveetthwaawewo. Owo ompaka yeeyo ontthunaawe ni ikuru sa wiirimu ni amaki a vathi. Khawowo ongwera ohiiha ntatanawe hata omweerela: “Mpankeni?”
Vanonto Moisesi aamweerela Aharoni: “Uulummaawe Yave ti ela: ‘Kinimwiixoonihera Ootteelaxa variyari wa yaala ankaattamela; Miyo kinoovuwihiwa vamaithoni wa muloko wootheene.’” Aharoni aari mwaasa omaala.
Vano Samuweli aamuthalihera soothesene ahimukhuwaka etthu. Vahoolowaya Eli aaheera: “Owo ti Yave – apakeke yeeyo enimureerela.”