Icipo 39:6 - Emakhuwa Bible

⁶ Mutthu omvira, anahokolowa ntoko munttuusi paahi. Owo ontthukhuruwa siiyo athukumanyihaka mihakhu, mene khansuwela taani anaahaleno.

Icipo 39:6 Iomraidhean Croise

Yobi 14:1

“Mutthu oyariwe onkhala ehuhu vakhaani ni okumaawe woosareya mmakacamihoni.

Yobi 7:16

Nkinoonelamo okumaaka! Nkinkhala mahuku ootheene; mukihiye, niwoko mahukwaaka khaveetthuwo.

Yobi 7:7

Ii! Muluku, muupuwelele weera okumaaka onlikana ni iphumu; maithwaaka kheerwa yoonatho mpuha.

Icipo 127:2

Khoovareleya muteko opeherera ovenya ni opisa okona, mvaraka muteko woovihaxa weera muce – Yave onaavaha ikhove yaale animusivela.

Icipo 144:4

Mutthu ori ntoko iphumu; mahukwaawe ari ntoko munttuusi omvira.

Icipo 89:48

Khawoworu mutthu onkhala ni okumi ahinakhwa hata oniitapuxa mwa ikuru sa nihiye. Sela*

Masu a Miruku 13:22

Mutthu a nnene onghiyera yoohiyeriwa osuuluwaawe, vaheera mihakhu sa namattheka anthokororeliwa oororomeleya.

Masu a Miruku 23:5

Mihakhu sinoolakaseya hiiho nyuwo munoonaanyu; iyo sinkhalano mapupha ni simvavela osulu ntoko xaaka.

Masu a Miruku 27:24

niwoko mihakhu khasinkhala mahuku ootheene, ni kheewo enroromeliha weera ecireemba ya emwene epwaherere wa ikhapira sootheene.

Namalaleiya 1:14

Kohoona sootheene simpakiwa vathi wa nsuwa; sootheene khasimvareleya muteko, ti woomola epheyo!

Namalaleiya 11:10

Osusihe vamurimaniwawo sookacamiha, ni omalihe soovalaveliha wa erutthwaawo, niwoko omiravo ni okhala mukithi, ti itthu simvira woowaakuveya.

Namalaleiya 12:13

Vano, seenre siiwiwa sootheene, emaliherowaaka ti ela: Mmoove Muluku ni mwiiwelele malamulowaawe, niwoko eyo ti yootthuneyaxa wa mutthu.

Namalaleiya 12:8

“Sootheene khasintaphulela etthu! Khasintaphulela etthu!” onghima muhusiha. “Khasintaphulelaru etthu!”

Namalaleiya 2:26

Wa mutthu onimusiveliha Muluku, Owo onimvaha miruku, esuwelo ni weetteleya nnene. Vaheera wa namattheka, Muluku onimvaha muteko woothukumanya ni woothokorora mihakhu weera amvahe yoowo onimusiveliha. Eyotho kheentaphulelaru etthu, ti woomola epheyo paahi.

Namalaleiya 2:8

Kaahiithukumanyera eparatha* ni eyuuma yoorikaxa, mihakhu sa mamwene ni ilapo soohiyanahiyana. Kaakhalano anamwiipa asilopwana ni asithiyana, mpakatho axaaseeta ancipale, aani soohaawela sa omutthu.

Namalaleiya 5:14

Owo sinimuriheya mihakhusawe niwoko na oheettihawawe nnene. Ommaleloni mwaana aneeraawe amuyare khankhalano etthu.

Yesaya 55:2

Munnanarihela heeni musurukhu ni etthu ehinciwa ni mwiikhulumulakano muteko woohiphureleya etthu? Mwiiwe, mukiiwe ni muce yeeyo eri yooreera ni okumaanyu onoohakalalela sooca sooreerelaxa.

Luuka 12:26

Woonaka weera khamungwera opaka etthu ekhaaneene ela, heeni muneeteteelaanyu itthu sootheene sikina?

Luuka 12:29

Muhaasaase eheeni muneeraanyu muce, hoye hoye ngwure. Muhiixeeteteele ni yeeyo.

1 aKorinto 7:31

yaale amvarela itthu sa elapo, ntoko khaamvarela, niwoko mukhalelo wa vaanaano oneera oviraka.

Yakobe 4:14

Nyuwo hata khamusuwenle etthu eneera yookhumeleleni omaalo! Okumaanyu ti heeni? Muri ntoko etthapwe enrwa wa ehuhu vakhaani ni vahoolowaya enoomwareya.

Yakobe 5:3

Iyuumasanyu soorikaxa soociwa murawa, ni murawaaya onuuwoothereni ni onuukhuure erutthwaanyu ntoko mooro. Nyuwo mohaattano mihakhu mahuku ookisera ala.

1 Pedru 1:24

Vano: “Omutthu wootheene ori ntoko munyepu, ni ovuwawaya wootheene ntoko ethutu ya ntuphini. Munyepu onoonyaala ni ethutu enoomora,

1 Pedru 5:7

Mumvaherere Yoowo sooweeteteela sootheene, niwoko Owo onookosoopani nyuwo.