Icipo 30:5 - Emakhuwa Bible

⁵ Vano isarasawe simpwaherera vakhaani paahi, vaheera murimaawe wooreera ompwaherera wa mahuku ootheene. Wiinla onoowereya opwaherera moohiyuni, mene ohakalala onoophiya oxeexelo.

Icipo 30:5 Iomraidhean Croise

2 aKorinto 4:17

Ohaawawahu wooveruwa ni woovireya onniruwerela hiyo ovuwa woottittimiheyaxa woopwaha wootheene iwo.

Matheyo 5:4

Ooreelihiwa ti yaale aniinla, niwoko eniimaalihiwe.

Yesaya 26:20

Murowe, mulokwaaka, mwavolowe mukwaartuni ni mwiiwalele. Mwiipithe vakhaani mpaka isarasawe sineeraaya sivire.

Icipo 103:9

Owo khanoothera wa mahuku ootheene hata khampwaherera okhala oonyoonyiweene.

Icipo 16:11

Mookoonihera ephiro ya okumi; ohoolowanyu kinoosareya ohakalala; moonowaanyu mulopwana wookhala otteeliwa woohimala

Icipo 63:3

Eyanowaaka enoovuwihani niwoko osivelawanyu ti wooreerela opwaha okumi.

Icipo 59:16

Vaheera miyo kinimwiipa sa ikurusanyu; oxeexelo kinimwiipa sa osivelawanyu, niwoko Nyuwo ti Olipawaka ni Nipuronaka nootthawelamo mweehuhuni ya makacamiho.

Icipo 46:5

Muluku ori mwemmo. Kheerwa ettikinyeya. Muluku onimoowa weera akhavihere waaxaaka.

Icipo 143:8

Mooxeexeloni, mukiiwihe sa osivelawanyu woororomeleya-, niwoko kohoororomelani Nyuwo. Mukoonihereke ephiro entthuneya otthara, niwoko okumaaka kingwinnyererani Nyuwo.

Icipo 103:17

Vaheera osivela woororomeleya wa Yave ori woohimala wa yaale ammoova ni ekhaikhaiyaawe eri ni anamwane a anamwanaaya,

Ethupululo 22:17

Munepa ni ootthomeriwa aneera: “Nkarwani!” Ni ootheene yaawo aniiwa yeere: “Nkarwani!” Yoole omvoliwa ntthona, arweeke; ni yoole ontthuna, awureke woohiliva maahi a okumi.

Hoxeya 6:3

Nimusuwele Yave; niilipiheraxe omusuwela. Owo aniixoonihere mooteene yoole ninkhumaaya nsuwa; onimoorwa wa hiyo ntoko epula ya mulaala, aani ntoko epula mutthulo ennaanihaaya etthaya.”

Epacerero 32:24

Yakobe aahanle meekhaawe ni aahoowa mulopwana mmoha, anamukhittaanano mpaka oxa.

Ethupululo 22:1

Vano ndyelo aakoonihera mooloko wa maahi a okumi, oowaara ntoko ekristalo*, okhumaka vahiceni ya Muluku ni ya Eputtiputthi

Okhuma 3:15

Muluku aamweerelatho Moisesi: “Mwaaleele aYixrayeli: ‘Yave, Muluku a atithinyu, Muluku a Abrahaamu, a Isaki ni a Yakobe ti Yoowo okirumihale wa nyuwo.’ Nna ti Nsinanaka wa mahuku ootheene, Nsina mwa nenno kineeraaka kuupuweleliweno ikhapira ikhapirasene.

Icipo 47:7

Eenre Muluku akhala Mwene a elapo yootheene; mmwiipele ecipo yootthapela.

Icipo 97:12

Munghakalalele Yave nyuwosa oororomeleya ni muttottopele Nsinanawe Nootteela!

Icipo 145:10

Ii! Yave, ootheene mwaapankaanyu animootthapelani; ootteelaanyu animoottottopelani.

Yesaya 12:1

Vanihukuni nenenenno nyuwo munimweera: “Kinoottottopelani Nyuwo. Vano mwaakinyoonyeriwa, vaheera onyoonyiwawanyu woomala ni mookipepesa.