Icipo 27:6 - Emakhuwa Bible

⁶ Vano kinimwaawina amwiittanaaka ankirica; vatabernaakuluniwawe* kinoopakela sooveleela kikhuwelaka ni ohakalala. Kinoomwiipela Yave kimuttottopelaka.

Icipo 27:6 Iomraidhean Croise

Epacerero 40:13

Evinreene mahuku mararu, Farawu* anootaphule ni anoohokoloxere muteko waavaraawo khalayi. Hiiho onuuwinnyerere ekoomixi mmatatanimwaya a Farawu*, ntoko waakhovelenlaawo khalayi waaraawo mutokweene a anamarumeela a soowura.

Epacerero 40:20

Eviraleene mahuku mararu yaari efesta yoowuupuweleliwa oyariwa wa Farawu*, ni owo aahaarehererela anamalakaawe yooca. Vamaithoni wa ootheene aalamulela oruuhiwa mutokweene a anamarumeela a soowura ni a anamooxa ipaawu weera erowe ohoolowawe.

2 Samuweli 22:1

Davide aamwiipela Yave ecipo ela Yave amooponleene mmatatani mwa amwiittanaawe ootheene ni mwa Sawuli.

2 Samuweli 22:49

Ti Nyuwo munkoopola mwa amwiittanaaka; mookikhaliha vasulu wa awananaaka. Mookivuluxa mwa asilopwana oopuhera.

2 Samuweli 7:9

Mmapuroni moothemwene mwaaviraviraanyu kaari ni nyuwo. Kohaawina amwiittanaanyu ootheene ohoolowanyu. Vano kinoovuwiha nsinananyu, ntoko masina a atthu oottittimiheyaxa mweelaponi ya vathi.

2 Mamwene 25:27

Vayaakhani yanaamiloko miraru niithannapiili ya oronghiwawawe Yehoyakini, mwene a oYuda, vanihukuni nanaamiloko miili ni mathannameeli na mweeri wanaamuloko ni miili, eyo tiiyo vayaakhani yoopacera ya olamulawawe mwene Evili-Merodaki a oBabiloniya, aamutaphula Yehoyakini mukaliposo.

1 Nyaha 22:18

Owo aaweerela: “Vekhaikhai Yave, Mulukwaanyu ori ni nyuwosa ni ohoovahani murettele. Vano Owo oowinnyerera amaki a elapo ela mmatatanimwaka, ni eyo enlamuliwa ni Yave vamoha ni mulokwaawe.

Icipo 107:22

Awosa epakeleke sooveleela sootthapela elaleiyaka mitekosaya ni icipo sa ohakalala.

Icipo 110:7

Owo onoowura maahi a munxaapwani mukerekhere mphironi ni vano onimweemwexa muru.

Icipo 119:108

Ii! Yave, mwaakhulele soottottopela sootthuneya sa eyanowaaka ni mukixuttihe malamulowaanyu.

Icipo 138:5

Awosa animwiipela soopaka sa Yave, niwoko ovuwa wa Yave ti otokotoko.

Icipo 21:1

Ii! Yave, mwene onnahakalalela ikurusanyu! Onghakalalela owinawanyu otokotoko!

Icipo 21:13

Mukhaleke oovuwihiwa Yave mukurunimwanyu; hiyo nnimwiipela ni nnoottottopela owerawanyu.

Icipo 3:3

Vaheera Nyuwo, Yave, ti exikudu* enkaakiha; ti ovuwawaka ni munkiweriha weetta ookakamuweene.

Icipo 3:4

Wa Yave kinnakhuwela ni vamwaakoniwawe wootteela onnakaakhula.

Icipo 47:1

Miloko sootheene nyuwo, mwiipe makuphi, munkhuwelele Muluku ni icipo sa ohakalala.

Icipo 57:8

Mvenyeke okumaaka; mvenyeke makita ni lira*. Olelo kintthuna oxiiha.

Icipo 81:1

Mmwiipele oohakalaleene Muluku ori ikurusahu; munkhuwelele ni nsu ntokotoko Muluku a Yakobe!

Icipo 95:1

Nrowe, nimwiipeleke Yave ni ohakalala; nimukhuwelele Mwala a ovuluxiwawahu.

Yesaya 12:6

Amaki a oSiyoni, mukhuwele ni mwiipe ni ohakalala, niwoko Ootteela a oYixrayeli ti Mutokweene variyariwanyu.”

Yeremiya 31:7

Yave oneera ha: “Mwiipe ni ohakalala mwaha wa Yakobe; mukhuwele muntthapelaka mutokweene a miloko! Mulaleiye ni munttottopele, mweeraka: ‘Ii! Yave mvuluxe mulokwaanyu ohalahanle oYixrayeli.’

Yeremiya 33:11

masu a otthapa ni a ohakalala, masu a namatthomera ni namatthomeriwa, ni masu a yaale anruuha soovaha sootthapela wa Empa ya Yave yeeraka: Muntthapele Yave a ikuru sootheene, niwoko Owo ti ooreera, osivelawawe woororomeleya khoommala. Vano Miyo kinooceendya oreereliwa wa elapo ela ntoko khalayi,’ onghima Yave.

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

aHeberi 13:15

Niwoko na Yeesu, nimvahe Muluku mahuku ootheene yooveleela ya ottottopeliwa, eri yoowiima ya iyano sinlapa Nsinanawe.

1 Pedru 2:5

Nyuwotho, ntoko maluku makumi, mutekiwe mpaani mwa mmunepani weera mukhale osaserdoti* wootteela, muvahaka sooveleela sa mmunepani sowaakhuleliwa ni Muluku niwoko na Yeesu Kristu.

Ethupululo 15:3

ni yaahiipa ecipo ya Moisesi, murumeiyi a Muluku, ni ecipo ya Eputtiputthi: “Sitokotoko ni sootikhiniheya siri mitekosanyu, Apwiya Muluku a ikuru sootheene. Soowookowa ni sa ekhaikhai siri iphirosanyu, Mwene a ilapo.

Ethupululo 5:9

ni awo yaahiipa ecipo enyowani: “Moophwanela waakhela elivuru ni ohula iwalelosaya*, niwoko mohiiviwa ni moomuthumela Muluku atthu a epuumba, nuulumo, muloko ni elapo yootheene.