Icipo 27:4 - Emakhuwa Bible

⁴ Koomvekela Yave etthu emoha ni ti yeela kinaasaaka: kintthuna okhala Mpaani mwa Yave mahuku ootheene a okumaaka weera koone oreera wa Yave ni kamwaase Mpaanimwawe.

Icipo 27:4 Iomraidhean Croise

2 Samuweli 21:1

Ehuhu ekina moolamulani wa Davide, yaakhala etala yaavonle iyaakha tthaaru. Tivawo Davide aamvekenlaawe Yave. Yave aamwaakhula: “Ti niwoko na Sawuli ni emusaawe yoosareya ephome; niwoko aawiiva aGibiyoni.”

Icipo 23:6

Vekhaikhai koosuwela weera onnene ni ororomeleya onookihoolela mookuminimwaka wootheene ni miyo nkikhale vaate wa Yave wa mahuku ootheene.

Icipo 26:6

Kinnyawa matataaka kireene oohinthowa; kinnawaattamela altaaraanyu, Yave.

Icipo 26:8

Yave miyo kinnasivela nipuro munkhalaanyuwo, mwa weiwo onkhalaayawo ovuwawanyu.

Icipo 27:8

Murimaaka oneera ha sa Nyuwo: “Mwaasaase ekhovaawe.” Ekhovaanyu, Yave, kinimwaasaasa.

Icipo 50:2

oSiyoni, ophwaneliwa wookwanela, Muluku onnaaraxa.

Icipo 65:4

Ooreelihiwa yaale Nyuwo mwaathanlalaanyu, mwiiruuhelaka weera ekhale mmapuwanimwanyu. Hiyo noosareya mareeliho a vaatewanyu ni a Empaanyu Yootteela.

Icipo 84:10

Fataari okhala nihuku nimoha mmapuwanimwanyu ohikhanle mahuku macira muloko nakhalaru nipuro nikina. Kookupaleela okhala namalipelela a mulako wa Empa ya Mulukwaaka ohikhanle okhala mmaheemani sa atakhali.

Icipo 84:4

Ooreelihiwa ti yaale ammaka vaatewanyu; awosa anoottottopelani Nyuwo woohihiyerera. Sela*

Icipo 90:17

Oreera murima wa Yave Mulukwaahu okhale ni hiyo; mulipihe miteko sa matataahu, aani, mulipihe soopakiwa sa matataahu!

Yeremiya 29:13

Nyuwo mmwikaase ni munookiphwanya mwakaasa ni murima wootheene.

Daniyeli 9:3

Vano kaamwaattamela Yave Muluku kimudyoonttelelaka ni mavekelo, soodyoonttelela ni kitthukaka, kiwanreene isaakho ni kiihenleene ettuura.

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Matheyo 6:33

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

Luuka 10:42

Vanonto, entthuneya etthu emoha paahi. Mariya oothanla mpatta wooreera, ni owo khoowa ovenxiwa wa yoowo.”

Luuka 13:24

“Mwiilipihe vancipale ovolowa mulako woophureya, niwoko Miyo kinooleelani weera ancipale eniyeerere ovolowa, mene kheerwa ewera.

Luuka 18:1

Vano Yeesu aahaathalihera oohuseraawe yoolikanyiha emoha, atthunaka owoonihera weera ontthuneya ovekela mahuku ootheene ehikhulumuwaka.

Luuka 2:37

ni vahoolowaya aakhala naamukhweli mpaka iyaakha miloko mithannamiraru niixexe. Khanatoko ohiya Empa ya Muluku. Annamulapa Muluku, atthukaka ni avekelaka ohiyu ni othana.

2 aKorinto 3:18

Hiyo ootheene nri ni ekhove yookhunuliwa, ninoonihera ovuwa wa Muluku. Ni hiiho nintatuxiwa moovuwani woowunnuwa onrweela wa Apwiya ori Munepa, weera nilikanyihiwe ntoko mukhalelo wa Yoowo.

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

aFilipi 3:13

Axunna, nkinuupuwela weera miyo koowera seiya sootheene, mene kimpaka etthu emoha: kittiwalaka itthu siri ottuliwaka, ni kipwahereraka wa seiyo siri ohoolowaka,

1 Timootheyo 5:5

Naamukhweli onghaawa vekhaikhai ni ahikhanleno emusi, onnamuroromela Muluku ni onnavekelaxa ohiyu ni othana ni midyoonttelelo.

aHeberi 11:6

Nihikhanle nroromelo, khoongwereya omusiveliha Muluku, niwoko yoowo ommwaattamela Muluku, ontthuneya ororomela weera Owo ookhala ni weera onnaatthuvela yaawo ammwaasaasa.

1 Samuweli 1:11

Owo aaroromeliha eeraka: “Ii! Yave a ikuru sootheene, dyoontte moone othanana wa murumeiyaanyu muthiyana ni mukuupuwelele. Muhikittiwale; mukivahe mwaana mulopwana. Mwakivaha, kinoowinnyererani wa mahuku ootheene a okumaawe ni mayihaawe ni irerusawe khasimetthiwaru.”

1 Samuweli 22:10

Ahimeleki aamukoherera Yave mwaha wa yoowo. Aamvahatho pooso ni ekatana ya Goliyati, muFilisti.”

1 Samuweli 30:8

Davide aamukoha Yave: “Kittharatthareke mukuttula wa anamahuhula awo? Nkaaphwanyase?” Yave aamwaakhula: “Mwaattharatthareke. Vekhaikhai munimwaaphwanya ni munoowera waatapuxa anamavariwa.”