Icipo 27:1 - Emakhuwa Bible

¹ Yave ti waarawaka ni ovuluxiwawaka – taani kineeraaka kimoove? Yave ti wootthawelawaka woolipa – taani aneera akoopopihe?

Icipo 27:1 Iomraidhean Croise

Yobi 29:3

aamwaleelaawe ni yoomwaleelaawe mmurumwaka, ni miyo kaangwera weetta mpiphini ngwaaraniwawe!

Icipo 11:1

Kintthawela mwa Yave. Heeni mukeerenlaanyu: “Mutthawele vamwaakoniwanyu ntoko mwaapalame?”

Icipo 118:21

Kinimootthapelani niwoko mookaakhula; moothatuwa ovuluxiwawaka.

Icipo 118:6

Yave ori ni miyo; nkoova – atthu khaangwera okipaka etthu.

Icipo 18:28

Nyuwo, Yave, mumpwaherera opattiha onyaaraaka; Mulukwaaka onkimwaleela mpiphinimwaka.

Icipo 18:29

Mukurunimwanyu kinoowera waawina anakhotto ancipale; ni ekhavihero ya Mulukwaaka kinoowera otupha exiri.

Icipo 18:46

Yave Mukumi! Atthapeliwe Mwalaaka. Avuwihiwe Muluku, Mvuluxaaka!

Icipo 19:14

Masu a eyaanowaaka ni sootthokelela sa murimaaka soosiveliheni Nyuwo Yave, Mwalaaka ni Namoopolaaka.

Icipo 3:8

Otapuxa ti wa Yave. Nreelihonanyu nikhaleke vamulokoniwanyu wootheene. Sela*

Icipo 43:2

Nyuwo ti Muluku, Wootthawelawaka. Mukihiyenreni? Nkivenyereke heeni kaasaka weetta ni kilalamikaka, amwiittanaaka ekihasulaka?

Icipo 62:2

Ti Owo paahi Mwalaaka ni Ovuluxiwawaka. Owo ti Olipawaka – nkirwaru kittikinyiwa.

Icipo 62:6

Ti Yoowo paahi Mwalaaka ni Ovuluxiwawaka. Owo ti Olipawaka – nkirwaru kittikinyiwa.

Icipo 84:11

Vano Yave Muluku ti Nsuwa ni Exikudu*; Yave onoonihera murima wooreera ni nttittimiho; khanaakhoottelaru mpuha yaale aneetta moota wookwanela.

Okhuma 15:2

Yave ti ikurusaka ni ecipwaaka; ti ovuluxiwawaka. Owo ti Mulukwaaka ni nkimuttottopele; ti Muluku a atithaka ni kinoomvuwiha.

Yesaya 12:2

Vekhaikhai Muluku ti ovuluxiwawaka. Kinoororomela kihoovaka. Yave, aani, Yave ti ikurusaka ni ecipwaaka; Owo ti ovuluxiwawaka.”

Yesaya 2:5

Ii!, ekhapira ya Yakobe, nrowe neetteke ngwaarani mwa Yave!

Yesaya 45:24

Awosa eniyeere sa Miyo: ‘Ekhaikhai ni ikuru siri mwa Yave paahi.’” Ootheene animuthanya anoorowa wa Yoowo ni animuulihiheya muru.

Yesaya 61:10

Kinimuhakalalelaxa Yave, munepaaka onimuhakalalela Mulukwaaka. Niwoko Owo ookiwariha ni soowara sa ovuluxiwa ni ookikuttelelano mukaandyo wa ekhaikhai, ntoko namatthomera omphwaneliha murwaawe alikanaka musaserdoti* ni ntoko ootthomeriwa oniiphwaneliha ni axiveeve.

Yeremiya 20:11

Vaheera Yave ori ni miyo ntoko nakhotto ooweraxa; tivawo yaawo ankisoonda eneeraaya ekwattuliwe, ehiwinaka. Awosa animuulihiheya muru woomalela; overuliwawaya khoottiwaliwa.

Malekiya 4:2

Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

Matheyo 8:26

Yeesu aahaakoha: “Heeni munoovaanyu vancipale, atthu a nroromelo vakhaani?” Vano aavenya, anahiiha epheyo ni ephareiya, ni yaamaaleleya vancipale.

Luuka 2:30

niwoko kohoona ni maithwaaka ovuluxawanyu

Luuka 3:6

Atthu ootheene eniyoone ovuluxa wa Muluku.”

Yohaane 1:9

Weera orwaaka mweelaponi Waara wa ekhaikhai, mwa Yoowo onaamwaleela atthu ootheene.

Yohaane 8:12

Uulumakatho ni muloko wa atthu, Yeesu aaheera: “Miyo ti Waara wa elapo ya vathi. Yoowo onkitthara Miyo, kharwa eetta mpiphini, mene onookhalano waara wa okumi.”

aRooma 8:31

Nneereke hai sa itthusene seiya? Muluku aari ni hiyo, taani aniittane ni hiyo?

2 aKorinto 12:9

mene Awo yannakeerela: “Mahalaaka anookwanelani, niwoko ikurusaka sookwaniheriwa mwa ohilipawanyu. Tivawo nkiivuwihe ni ohakalalaxa mwa ohilipawaka, weera ikuru sa Kristu sikhale mwa miyo.

Deuteronomiyo 7:18

Wa soothesene, muhoove iyo. Muupuwelele nnenesene yeeyo Yave Mulukwaanyu aampakenlaawe Farawu* ni wExipitu wootheene.

Deuteronomiyo 7:21

Muhoove niwoko Yave Mulukwaanyu ori variyariwanyu ti Muluku Mutokweene ni Oowoopiha.

aFilipi 4:13

Kingwera soothesene mwa Yoowo onkilipihera.

aHeberi 13:6

Hiiho ninoowera ohima ni nroromelo: “Apwiya ti ekhaviherowaaka, nkinoova. Anaawere okeeriha eheeni mutthu?”

Ethupululo 21:23

Esidade kheenghaawela nsuwa, hata mweeri weera omwaleele, niwoko ovuwa wa Muluku onnamwaleela, ni Eputtiputthi ti onyaaraaya.

Ethupululo 22:5

Khoorwa okhalatho ohiyu ni khoorwa ohaaweleya waara wa onyaari, naari wa nsuwa, niwoko Apwiya Muluku eniyaamwaleele, ni awo eniilamule mahuku ootheene oohimala.

Ethupululo 7:10

Awo yaakhuwela ni nsu ntokotoko: “Ovuluwa ori wa Mulukwaahu okilaathiye vahiceni ni wa Eputtiputthi.”