12 niwoko munoowoomola mwaalathaka ni muupaanyu.
Kaatthenke, yoonanara heeni koopakenlaakani, Muluku, munaawehaweha atthu? Mukitatuxenreni yoolupaanyu? Weeraka koothatuwa yoolemelaanyu?
Owo aalatha nyuupasawe anaamwaraxa amwiittanaaka; aaverunyiha mipatta sootheene, awoomolaka.
Moowoomola amwiittanaaka; kohaaphwata yaale yaakithanya.
Moonihiya naatthawaka amwiittanaahu ni yaale anithannye aanihuhula.
Miyo kaamvekelaka ekhavihero Muluku, amwiittanaaka anoohokolowa. Hiiho kinoosuwela weera Muluku ori ni miyo.
Vaheera Muluku onimwaalathela nyuupasawe; anoovulalihiwa woowaakuveya.
Amwiittanaaka yaahokolowaka, anookwattuliwa, enaphwatiwa.
Naari nyuwosa mpakaka miruku, iyo sinoopupurumiheya; naari mvaanelaka, khasiweettelani nnene, niwoko Muluku ori ni hiyo.
Ooreherera muuraawe, anakikhaliha yoolatha nyuupasawe.