Icipo 20:7 - Emakhuwa Bible

⁷ Akina anroromela ikaaro sa ikavalu* ni akinatho mwa ikavalu*, vaheera hiyo ninroromela mwa Nsina na Yave Mulukwaahu.

Icipo 20:7 Iomraidhean Croise

2 Samuweli 10:18

Wa soothesene, yaahaatthawasa aYixrayeli. Davide aawiiva anamweettiha a ikaaro sa ikavalu* 700 ni anakhotto 40 000. Xobaki, mutokweene a anakhotto, aaphwanyihiwa anakhwela vaavaaleene.

2 Samuweli 8:4

Davide aakuxa ikaaro sa ikavalu* macira muloko sa Hadadezeri ni anamweettiha ikaarosene seiye macira miloko mathannameeli nitho anakhotto 20 000. Aahintaka mapitaaya ootheene a ikavalu* sa ikaaro ahiyaka ikavalu* ncira.

2 Nyaha 13:16

aYixrayeli yaahaatthawa anakhotto a oYuda, ni Muluku aawinnyerera mmatatanimwaya.

2 Nyaha 14:11

Vano Asa aamukhuwelela Yave, Mulukwaawe: “Yave, khawoworu onlikana ni Nyuwo, onaakhavihera oolosowa yaawanaka ni oolipa. Ii! Yave, Mulukwaahu, munikhavihere, niwoko nnoororomelani Nyuwo, ni nirweenle waawanano anakhotto ancipale ala mwa Nsinananyu. Ii! Yave, Nyuwo ti Mulukwaahu; muhimuhiye mutthu oowananakani.”

2 Nyaha 32:8

Awosa arino paahi owera wa omutthu, vaheera Yave, Mulukwaahu, ori ni hiyo weera anikhavihere ni awane ekhottwaahu.” Muloko waalipiha murima ni masu a Hezekiya, mwene a oYuda.

Yobi 39:11

Nyuwo munoororomela yeeyo niwoko na olipaxawaya? Munoohiyera mutekwaanyu woovihaxa wa yeeyo?

Icipo 28:8

Yave ti ikuru sa mulokwaawe; Nipuro Noolipihiwaxa nnimvuluxa oottikittheliwaawe.

Icipo 45:17

Kinoopwahereriha wuupuweleliwa nyuwo wa khula ekhapira; tivawo miloko sineeraaya sootthapeleni mahuku ootheene.

Masu a Miruku 21:31

Ekavalu* enreherereliwa nihuku na ekhotto, vaheera owina onrweela wa Yave.

Yesaya 30:16

Nyuwosa mweenre: ‘Hoye, nnootthawa ni ikavalu*.’ Vano munootthawa! ‘Nnimweettiha ikavalu* soowaakuveyaxa.’ Vano anamattharelelaanyu ti eneera yaakuve ophiya.

Yesaya 31:1

Ii wa yaale anrowa wExipitu yaasaasaka ekhavihero; yaale anroromela ikavalu* ni ikaarosaya soowaatta, anroromela mwa ikuru sa anamweettihaaya, mene khaaningweha Ootteela a oYixrayeli naari khaanaasaasa ekhavihero enrweela wa Yave.

Yeremiya 17:5

Yave oneera ha: “Oolaphiwa ti yoole onimuroromela mutthu, uupuwelaka weera omutthu ti ikurusawe, mene murimaawe omurakamenleene Yave.

1 Samuweli 13:5

Afilisiti yaathukumana weera yaawaneno aYixrayeli. Yaarino ikaaro sa ikavaalu macira miloko miraru; anamweettiha ikaarosene seiye macira miloko mithannamosa ni waatta wa anakhotto waari ntoko ehaava ya mphareiya. Awo yaarowa oMikemaxi, mpatta ninkhuma nsuwa wa Beti-Aveni, enakonelawo.

1 Samuweli 2:10

yaale ari amwiittanaawe Yave anoophwatiwa. Wiirimu Owo onoowoopelasa etari; Yave onoothoriha elapo yootheene. Owo onoomvaha ikuru mwenaawe, amulipihaka oovariwaawe.