Icipo 148:8 - Emakhuwa Bible

⁸ nyuwosa overinya ni maralala, etthabwe ni kanyenye, ipheyo soolipaxa sinkwanihera otthunawawe.

Icipo 148:8 Iomraidhean Croise

Epacerero 19:24

Vano Yave muneenaawe aarupihela oSodoma ni oGomora enxofre ni mooro okhumelelaka wiirimu.

Yobi 37:12

Owo ompakiha weera eyo erukureere vasulu wa etthaya yootheene epakaka sootheene Owo aneeraawe alamulele.

Icipo 103:20

Andyelo nyuwosa, munttottopele Yave; nyuwosa ooweraxa muniiwelela maswaawe.

Icipo 18:12

Ngwaarani wa okhalawawe yaavarela mahutte vamoha ni maralala ni overinya.

Okhuma 10:13

Moisesi aahookolela ekopwaawe wExipitu ni Yave aahoopiha epheyo mweelaponi eweelaka ninkhuma nsuwa nihuku nne ni ohiyu wootheene. Vano oxaawaya, epheyo ele yaaruuha misoope.

Okhuma 10:19

Yave aahoopiha epheyo etokotoko yaakhuma ninkela nsuwa ni eyo yaakuxakuxa misoope enavonyera mphareiyani yooxeera. Khawaahanleru musoope naari mmoha mweelaponi yootheene ya wExipitu.

Okhuma 14:21

Vano Moisesi aahookolela moonowaawe mphareiyani ni Yave aakawanyiha ephareiya, anatatuxa etthaya yoowuuma ni epheyo etokotoko yaaweela ninkhuma nsuwa yoopale ohiyu wootheene. Maahi yaakawanyeya

Yesaya 66:16

Vano Yave onookwanihera waathoriha atthu ootheene ni mooro ni ekatanaawe; ancipale animwiiviwa ni ntatanawe.

Yoweli 2:30

Nkoonihere sootikhiniha wiirimu ni vathi: ephome, mooro ni amarimbu a mwiixi.

Levitiku 10:2

Vano Yave aarumiha mooro onaalaliha ni yaahookhwa vamaithoni wa Yave.

Amosi 4:13

Yoowo ompaka nyaako, ompattuxa epheyo ni onimusuweliha mutthu soowuupuwelasawe, yoowo ontatuxa ekamaama ya oxa epiphi, ni onnyikala nyaako sa mulaponi –Nsinanawe ti Yave, Muluku a ikuru sootheene!

Amosi 7:4

Yeeyo Yave, onlamula sootheene, aakoonihenraawe ti ela: Kaamoona Yave onlamula sootheene iitthanaka mooro wa nthorihelo; owo waalaliha wuumihaka moowiixera, onanyaanya etthaya.

Yoonasi 1:4

Wa soothesene, Yave aahoopihera epheyo etokotoko mphareiyani. Mitekuteku saari sitokotoko mpaka nikula naahanle vakhaani ottatta.

Yoonasi 1:5

Anamiteko a munikulani yaahoova, khula mutthu avekelaka okhaviheriwa wa mulukwaawe. Yaakhumbweliha mirindi mphareiyani weera niveruwe. Eyo eri hiiho, Yoonasi aarowa waakhurukutuwela, aniixaatalela, anakonaxa.

Nuumeru 16:35

Vano waahoorwa mooro waakhumelela wa Yave onaalaliha asilopwana macira meeli ni miloko mithanu yaaveleela erubani*.

Yoxuwa 10:11

Vano awosa yaatthawaka aYixrayeli onkhuruweloni wa oBeti-Horoni mpaka wAzeka, Yave aahaavonyera maralala matokweene wiirimu yaawiivale atthu ancipale opwaha ikatana sa aYixrayeli.

Ethupululo 16:21

Maralala matokweene wiirimu yaahaamorela atthu, maluku matokotoko a maralala, nilemenleene nimoha-nimoha ikiilu* miloko miraru. Atthu yaamveiha Muluku niwoko na maralala, niwoko yoohooxa ele yaari yoowoopihaxa.