Icipo 146:9 - Emakhuwa Bible

⁹ Yave ongwaakiha anamarwa ni onaathokorora akwaasuni ni asinaamukhweli, vaheera ompupurumiha soovaanela sa atakhali.

Icipo 146:9 Iomraidhean Croise

2 Samuweli 15:31

Vano Davide aaleeliwa: “Ahitofeli ori mpatta wa Abesalomi.” Tivawo Davide aamvekenlaawe Yave: “Ii! Yave sihivareleye muteko miruku sa Ahitofeli!”

2 Samuweli 17:23

Ahitofeli oonakaru weera mirukusawe khasaakhuleliwe, aangwela buurwaawe, anarowa owaani esidade aayareliwaawe. Aareherera itthusawe sootheene, aniitthukelela. Vano aavithiwa onihiyeni na atithawe.

Exteri 5:14

Mwaarawe Zerexi ni asinthamwenaawe ootheene yaamweerela: “Mulamulele weera otekiwe wootthukeleliwa kuleele, orakamawaya imeetru* miloko miili niithanu ni oxeexeleru mwaavekele amwene weera Mordekai atthukeleliwewo. Vahoolowaya mwaahooleke amwene ofestani mutteeliweene.” Miruku saamusiveliha Hamani, analamulela otekiwa wootthukeleliwa kuleele.

Exteri 7:10

Hiiho Hamani aakhwela vanipuroni aamurehererenlaawe Mordekai omutthukelela kuleele. Vahoolowaya isara sa mwene saamala.

Exteri 9:25

Wa soothesene, mwene asuwelakaru yeeyo, aalamulela mukarattani weera yoovaanela yoonanara ele ya Hamani wa aYuda emuhokoleele muneenaawe ni weera owo vamoha ni anamwanaawe etthukelelasiwe kuleele.

Icipo 10:14

Wa soothesene, Nyuwo, Muluku, munnoona sookacamiha ni soohooxa. Munnoona seiyo, munakosoopa. Yoovaraawe mutakhali eniixinnyerera wa Nyuwo; Nyuwo ti Namwaakiha a akwaasuni.

Icipo 145:20

Yave onaakosoopa ootheene animusivela, vaheera atakhali ootheene onimwaaphwata.

Icipo 147:6

Yave onaakhavihera oohasuliwa, mene onaamoroxela vathi atakhali.

Icipo 18:26

Muniixoonihera Ootteela wa yaale ari ootteela, vaheera muri Mwiittana a alavilavi.

Icipo 68:5

Tiithi a akwaasuni ni Namwaakiha a asinaamukhweli ti Muluku vaNipuroniwawe Nootteela*.

Masu a Miruku 15:25

Yave omphwata empa ya namwiixoona, vaheera onaakiha nyiinano sa etthoko ya naamukhweli.

Masu a Miruku 4:19

Vaheera ephiro ya atakhali eri ntoko epiphi yootepaxa; mpaka awosa khaansuwela yeeyo enaakwattula.

Yeremiya 49:11

‘Mwaahiye akwaasunaanyu; Miyo kinimwaakosoopa. Asinaamukhwelaanyutho ekiroromele Miyo.’ ”

Hoxeya 14:3

awAsiriya khaangwera onivuluxa; khaniwelatho ikavalu* sa ekhotto. Seiye sipakiwe ni matataahu khaneerelatho ‘milukusahu,’ niwoko mwa Nyuwo mukwaasuni omphwanya ikharari.”

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

1 aKorinto 3:19

niwoko miruku sa amalapo ti osikineya vamaithoni wa Muluku. Vano yoolempwa: “Muluku onnaavara asuweli moolokotthanimwaaya.”

Deuteronomiyo 16:11

Vanonto muhakalale vamaithoni wa Yave Mulukwaanyu vanipuroni Owo aneeraawe athanle ntoko woomakawo Nsinanawe – nyuwosa, anamwaniinyu, arumeiyaanyu asilopwana ni asithiyana, aLeevi ankhala mmasidadenimwanyu, anamarwa, akwaasuni ni asinaamukhweli ankhala variyariwanyu.

Yakobe 1:27

Vano, ediini Muluku Atithihu onaakhulelaawe ntoko yootteela ni yoohikhala malepa, ti ela: waakosoopa akwaasuni ni asinaamukhweli mohaawanimwaya ni wiisusiha wa soovaliha sa mweelaponi.