Icipo 146:10 - Emakhuwa Bible

¹⁰ Yave onlamula wa mahuku ootheene; Mulukwaanyu, oSiyoni, wa ikhapira sootheene. Munttottopele Yave.

Icipo 146:10 Iomraidhean Croise

Icipo 10:16

Yave ti Mwene wa mahuku ootheene! Miloko sinoolakaseya mweelaponimwawe.

Icipo 145:13

Omwenaanyu ti omwene woohimala ni olamulawanyu ompwaherera wa ikhapira sootheene. Yave ti oororomeleya mwa soororomelihasawe sootheene ni onoonihera murima wooreera mwa sootheene opankaawe.

Icipo 147:12

Ii! Yerusaleemu, munttottopele Yave; Ii! Siyoni, munttottopele Mulukwaanyu,

Okhuma 15:18

Nyuwo Yave munlamula wa mahuku ootheene.”

Yesaya 12:6

Amaki a oSiyoni, mukhuwele ni mwiipe ni ohakalala, niwoko Ootteela a oYixrayeli ti Mutokweene variyariwanyu.”

Yesaya 40:9

Nyuwo munruuhela oSiyoni ihaali sooreera, ngwele vamwaako woorakamelaxa; nyuwo munruuhela oYerusaleemu ihaali sooreera, mukhuwelaxe, muhoovaka. Muleele isidade sa oYuda: “Mulukwaanyu ori va!”

Yesaya 52:7

Moota onreeraaya woona sirweelaka mmanyaakoni inaawo sa yaale anruuhela mutthenga wooreera, anlaleiya murettele, anruuhela ihaali sooreeraxa, anghima ovuluxiwa yeerelaka oSiyoni: “Mulukwaanyu onlamula!”

Yesaya 9:7

Olamulawawe ni murettelaawe khoommala. Owo onoolamula vahiceni ya Davide ni wa omwenaawe akhalihaka ni apwahererihaka yoowo ni ororomeleya ni ekhaikhai, okhuma ehuhuweene yeeyo mpaka khalayi. Nthiti na Yave a ikuru sootheene nnooweriha yeeyo.

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 6:26

Kinkhaliha ekano weera moomwenenimwaka wootheene atthu emooveke ni emuttittimiheke Muluku a Daniyeli, niwoko Owo ti Muluku Mukumi ni Owo onkhala wa mahuku ootheene. Omwenaawe khoorwa ophwatiwa ni olamulawawe khoommala.

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Yoweli 3:17

“Vano nihuku nno mmwisuwele weera Miyo, Yave Mulukwaanyu, kinkhala oSiyoni, mwaakowaaka wootteela. OYerusaleemu onuutteele ni anamarwa kheewinatho.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”