18 Miyo kaalikela seiyo, sinookwana soopwaha muhaava wa mphareiyani. Miyo kamaliha waalikela, nlelo kiri ni Nyuwo.
Munsuwela miyo keettaka ni kiixaatalelaka; munsuwela nnenesene iphirosaka sootheene.
Wa miyo – keenre kiroromeleya, kinimoona ekhovaanyu. Miyo kaavenyaka, kinoohakalala niwoko kohoona ekhalelowaanyu.
Miyo kinimwiixaatalela, kinakona ni vano kinoovenya, niwoko ti Yave onkikosoopa.
Vano sookacamiha soohaalikeleya sookirukureera; sootthekasaka sookiphwanya ni nkingwera woona. Seiye sohaattaxa opwaha mayihaaka ni murimaaka wooporora.
Yave, Mulukwaaka, sootikhiniha mumpakaanyu ti sincipale. Soowuupuwelasanyu sooreera mwaha wa hiyo ti soohaalikeleya. Kaatthuna wuuluma ni olaleiya sa seiye, nkingwera, seenre saattaxa.
Khamuntthuna sooveleela soohiyanahiyana, mene moothorola maaruwaaka. Khamuntthuna sooveleela soohisa ni sa soottheka.
Mene anamakhwaanyu anookhala ni okumi; mittembosaya sinoovenyerera. Nyuwosa munkhala muntthupini, mvenye ni mwiipe ni ohakalala. Nikamenanyu nri ntoko nikame na oxeexelo; elapo ya vathi enimwaayara anamakhwaaya.
Ancipale ankona vatthayani anoovenyerera: akina wa okumi woohimala ni akinaawo wa wuulihiheya muru ni munyemu woohimala.
Awo anikhwenle hiyo weera, hata nivenyaka, hata nikonaka, nikhale vamoha ni Yaawo.