Icipo 118:15 - Emakhuwa Bible

¹⁵ Okhuwela wa ohakalala ni owina wiiwiwa mmaheemani mwa oororomeleya: “Ntata noolopwana na Yave noopaka itthu sooweraxa!

Icipo 118:15 Iomraidhean Croise

Icipo 111:2

Miteko sa Yave ti sitokotoko; ootheene ansivela seiyo anootthokelela.

Icipo 119:111

Ikanosanyu ti yoohiyeriwaaka ya mahuku ootheene; ti ohakalala wa murimaaka.

Icipo 119:54

Malamulowaanyu annakiruuhela wiipa mmapuroni moothemwene kinkhalaaka.

Icipo 32:11

Munghakalalele Yave ni mukhaleke ni murima wootteela, nyuwosa oororomeleya; mwiipe, nyuwosa ootheene a murima wa ekhaikhai.

Icipo 44:3

Awosa khayaawinne elapo ni ikatanasaya naari ni ikurusaya; mwaari Nyuwo mwaawinne ni ntatananyu noolopwana, moonowaanyu ni waara wa ekhovaanyu mweenre mwaasivela.

Icipo 45:4

Mutthimake moovuwanimwanyu moowineya niwoko na ekhaikhai, ikharari ni ororomeleya. Ntatananyu noolopwana niwereke miteko sootikhiniha.

Icipo 5:12

Vano Nyuwo Yave, munimureeliha oororomeleya; oreerawanyu ommwaakiha ntoko exikudu*.

Icipo 60:12

Kinoowina ni ekhavihero ya Muluku ni Owo onimwaanyikalela amwiittanaahu.

Icipo 68:3

Oororomeleya ehakalaleke vancipale vamaithoni wa Muluku; awosa ekhaleke oosareya ohakalala.

Icipo 89:13

Moonowaanyu woosareya ikuru; ntatananyu ti noolipaxa; moonowaanyu woolopwana ti woovuwihiwa.

Icipo 98:1

Mmwiipele Yave ecipo enyowani, niwoko oopaka itthu sootikhiniha; ntatanawe noolopwana ni moonowaawe wootteela wookwanihera ovuluxa.

Okhuma 15:6

Ntatananyu noolopwana, Yave, naari noovuwihiweene mooweraxani. Ntatananyu noolopwana, Yave, nohaanyaanya amwiittana.

Yesaya 65:13

Tivawo, Yave onlamula sootheene oneeraawe ha: “Arumeiyaaka animooca, mene nyuwosa munoovoliwa etala; arumeiyaaka anoowura, mene nyuwosa munoovoliwa ntthona; arumeiyaaka anoohakalala, mene nyuwosa munimuulihiheya muru.

Luuka 1:51

Owo aapaka itthu sa ikuruxa ni moonowaawe. Aahaamwaramwaxa yaawo ari oowiixoona mmirimanimwaya.

Miteko 16:34

Vano aahaakuxa mpaka vaatewawe, aahaarumeela yooca ni aahakalala vancipale vamoha ni ootheene a vaatewawe mwaha wa omuroromela Muluku.

Deuteronomiyo 12:12

Mwahakalalewo ohoolo wa Yave Mulukwaanyu – nyuwosa, anamwaniinyu asilopwana ni asithiyana, ipotthasanyu asilopwana ni asithiyana ni aLeevi ankhala mmittetthenimwanyu mwa yaawo ahikhanleno elapo hoye hoye yoohiyeriwa.

Ethupululo 18:20

Muhakalale niwoko na yeeyo, wiirimu! Muhakalale, atthu ootteela, arummwa ni maprofeeti! Muluku oothoriha mooteene yoowo ntoko eyo yooreherenraayani.’”