Icipo 112:5 - Emakhuwa Bible

⁵ Oohakalala ti mutthu onkoongoriha ni murima wooreera ni ommweettiha nakoswaawe mweekhaikhaiyini.

Icipo 112:5 Iomraidhean Croise

Nehemiya 4:13

Tivawo kaakhalinghaaka atthu akina a muloko wiithela omakhuruweloni wa exiri, mmapuroni moowooneya. Kaahaakawanyiha emusi emusi ekuxaleene ikatana, mavaka ni nyuupa.

Icipo 37:21

Atakhali annakoongora woohiliva, mene oororomeleya amvaha ni murima wootheene.

Masu a Miruku 12:2

Mutthu a nnene onimusiveliha Yave, vaheera Yave onoomuttaruxa yoowo omvaanelela soonanara.

Masu a Miruku 17:18

Mutthu oohiseru oniiwanano omukhavihera mukhwaawe ni musurukhu, athatuwaka namaroromeliha a mukina oolinghe.

Masu a Miruku 18:9

Yoowo onkhalela oreesi omutekoniwawe ti munna a yoole onnanariha.

Masu a Miruku 2:20

Miruku sinooweettihani mphironi sa atthu a nnene ni woopwahererihani mphironi mwa oororomeleya.

Masu a Miruku 24:27

Mmalihe toko mutekwaanyu vanlakani; mulikanyihe emattanyu, vahoolowaya muteke empaanyu.

Luuka 23:50

Aakhala mulopwana mmoha iitthaniwa Yoseefe, mmoha a eSineedriyu*. Aari mulopwana ooreera murima ni oororomeleya,

Luuka 6:35

Mwaasivele amwiittanaanyu, mwaapakele yooreera ni ngwoolihe yaawo muhiwehereraka waakhela naari etthu yoohokoloxeriwa. Vano, ntthuvelonanyu nnikhale ntokotoko, ni mmwikhale anamwane a Musulusulu niwoko Owo ti ooreera murima wa yaale oohitthapela ni oonanara.

Yohaane 6:12

Ootheene evonaka, Yeesu aaweerela oohuseraawe: “Muthukumanye mivithe weera sihiriheye.”

Miteko 11:24

Owo aari mulopwana a murima wooreera, oosareya Munepa Wootteela ni nroromelo, ni atthu ancipale yaarukunxela mirimasaya wa Apwiya.

aRooma 12:11

Nihoohaleelekeni nthiti, mwiiminyaalele mmunepani, mwaarumeeleke Apwiya.

aRooma 5:7

Ti woorikarika okhala mukina anaamukhwele mutthu oororomeleya. Apaale onoolipiha murima omukhwela mukina ooreera.

awEfeso 5:15

Mwiipasoope ni mweettelowaanyu – khaahiyono ntoko alolo, mene ntoko asuweli,

aFilipi 1:9

Nivekelonaka ti nna: weera osivelawanyu waandyeerereye, wootepaxa moosuwelani ni moomwalamwaxani yooreera ni yoonanara,

aKolosi 4:5

Mweetteke ni miruku variyari wa atthu oomokoni, muvarelaka muteko ihuhu sootheene.