Icipo 102:26 - Emakhuwa Bible

²⁶ Awosa anooriheya, mene Nyuwo munoopwaherera okhala; ootheene animuuluvala ntoko ikuwo; munimwaaceendya ntoko ikuwo ni anoovonyeriwa okerekhere.

Icipo 102:26 Iomraidhean Croise

2 Mamwene 19:15

Hizekiya aamvekela Yave: “Ii! Yave, Muluku a aYixrayeli, mukilaathiye variyari wa akerubini*, ti Nyuwo paahi muri Muluku a mamwene ootheene a elapo ya vathi. Moopattuxa wiirimu ni vathi.

Yobi 38:4

Mwaari woowi kaapakaka mathipelo a elapo? Mwiiwexexa, mukaakhuleke.

Icipo 102:12

Vaheera Nyuwo, Yave, munkilaathi vahiceni ya emwene wa mahuku ootheene; epilaanyu empwaherera wa ikhapira sootheene.

Okhuma 3:14

Muluku aamweerela Moisesi: “MIYO TI MIYO*.” ti yeeyo muneeraanyu mwaaleele aYixrayeli: ‘MIYO TI MIYO koorumihenlasiyeni.’”

Yesaya 34:4

Ithenyeeri sa wiirimu sinoolakaseya ni irimu sinoovitikeya ntoko buukhu a khalayi; anakhotto ootheene a wiirimu anoomora ntoko makukhu oowuuma a evideira* ni a efiigu.

Yesaya 51:6

Ngwehe wiirimu ni moone elapo ya vathi; erimu enoolakaseya ntoko mwiixi ni elapo enoothaala ntoko ekuwo ni amakaaya animookhwa ntoko ikulihi. Vaheera ovuluxawaka onoopwaherera wa mahuku ootheene ni ororomeleyawaka khoorwaru wooceela.

Yesaya 65:17

“Moone, kinoopattuxa irimu ni ilapo sinyowani. Itthu sa khalayi khasuupuweleliwa hata khasikhalatho mmuupuweloni.

Yesaya 66:22

“Mooteene yoowo erimu ni elapo enyowani kineeraaka kipattuxe empwahereraaya wa mahuku ootheene,” onghima Yave, “hiihotho nsinananyu ni ekhapiraanyu enoopwaherera.

Matheyo 24:35

Wiirimu ni vathi onuuvire, mene maswaaka kheerwa eviratho.

Luuka 21:33

Wiirimu ni vathi onuuvire, maswaakatho kheerwa evira.

aRooma 8:20

Vano soopattuxiwa saapakiwe sa siiyo, khasihiyono niwoko na othanlawaya, mene niwoko na otthuna wa Muluku iikaathiyemo

Ethupululo 20:11

Vahoolowaya kaahoona ehice etokoko yootteela, ni Yoole aakilaathiye. Elapo ni erimu yaatthawa vahoolowawe, ni nipuronaya khaniphwanyiwetho.

Ethupululo 21:1

Vano kaahoona erimu enyowani, ni elapo enyowani, niwoko erimu ni elapo yoopacera yaavira, ni ephareiya yaahiya okhala.