Icipo 101:2 - Emakhuwa Bible

² Kinimwiikosoopa weera keette moota wookwaneleya. Mmwikikumanane yaakhani? Kinookhala vaatewaka ni murima woohikhalano nthowa.

Icipo 101:2 Iomraidhean Croise

Epacerero 18:19

Vano Miyo kimuthanlenle weera aweettihe anamwanaawe ootheene ni ikhapirasawe sootheene weera etthare ephiro ya Yave, epakaka yeeyo eri yoororomeleya ni yoowookowa. Hiiho Yave onoomukwaniherela Abrahaamu yeeyo aamuroromelinghaawe.”

2 Samuweli 8:15

Davide aalamula muloko wootheene wa aYixrayeli apakaka yeeyo eri ya ekhaikhai ni yoororomeleya wa mulokwaawe wootheene.

1 Mamwene 11:4

Ehuhu uuluvalaawe Salomoni, axaarawe yaamuhuluxeriha miluku sikina ni murimaawe khawaamukhalela nthiti Yave Mulukwaawe, ntoko waaraaya murima wa atithawe Davide.

1 Mamwene 9:4

Mwaha wa nyuwo – mweetta mweekhaikhaiyini ni moota woororomeleya ohoolowaka ntoko atithinyu Davide yeenttaaya ni mwapaka sootheene koolamulenlaakani ni mwiiwelela ikanosaka ni malamulowaaka,

2 Nyaha 15:17

Yaaroohimalihiwaru oYixrayeli altaari* a mmattumuxani, murima wa Asa waamukhalelaxa nthiti Yave mookuminimwawe wootheene.

2 Nyaha 30:12

oYuda, ntata na Muluku naari mwa muloko aavahaka wiiwanana mmuupuweloni weera ekwanihere yeeyo mwene ni asitokweenaawe yaalamulenlaaya, ettharihaka masu a Yave.

Icipo 101:6

Maithwaaka angwoona atthu oororomeleya mulaponi weera awosa ekhale ni Miyo; yoole oneetta moota wookwaneleya paahi ti aneera akirumeele.

Icipo 119:106

Koororomeliha ni nlipelo weera kinootthara malamulowaanyu a ekhaikhai.

Icipo 119:115

Mukivenyere nyuwosa mumpaka soonanara! Miyo kintthuna weettela malamulo a Mulukwaaka!

Icipo 26:11

Vaheera miyo kinkhala moota wookwanela; mukoopole ni mukimorele ikharari.

Icipo 40:17

Vano wa miyo, ti oohaawa ni oothoiwa. Hata hiiho Yave onnikitthukuruwela. Nyuwo ti ekhaviherowaaka ni woopoliwawaka. Ii! Mulukwaaka, muhipise!

Okhuma 20:24

Mwakitekele altaari* a etthaya ni mwa yaawo mukipakeleno sooveleela soohisa ni sa murettele, eyo tiiyo ikhondoolosanyu ni imombesanyu. Weiwo kineeraka kitthunihere ovuwihiwa Nsinanaka, kinimoorweelani ni kinimooreelihani.

Yesaya 38:3

“Ii! Yave, muupuwelele moota koorumeenlaakani ni ororomeleya ni murima wootheene. Koopaka yeeyo eri yooreera vamaithoniwanyu.” Ni Hizekiya aahiinla vancipalexa.

Deuteronomiyo 6:7

Mwaaxuttiheke anamwaniinyu. Mwaathalihere nyuwosa mwaakilaathiki owaani; mweettaka mphironi, mwiixaatalelaka hoye hoye mwaavenyaka.

Yoxuwa 24:15

Wa soothesene, waahoosivelakani omurumeela Yave, vano munthanleke olelo taani muneeraanyu munrumeele – saari miluku yaarumeelaaya makholowaanyu okhopela wEfrates hoye hoye miluku sa awAmori a elapweene yeela munkhalaanyumo. Vaheera miyo ni emusaaka nnimurumeela Yave.”

1 Samuweli 22:14

Ahimeleki aamwaakhula mwene: “Khawowo a arumeiyaanyu oororomeleya ompwaha Davide, mukamwenaawe mwene, mutokweene a anamalipelelaanyu ni oottittimiheyaxa vaatevanyu!”