Hoxeya 8:8 - Emakhuwa Bible

⁸ oYixrayeli woomiriwa; vano ori eriyari ya miloko ntoko etthu yoohooneleyamo;

Hoxeya 8:8 Iomraidhean Croise

2 Mamwene 18:11

Mwene a wAsiriya aahaavara aYixrayeli ancipale aaroihelaka Asiriya, anaatekiha oHala, elapo ya oGozani, mukerekhere mooloko Habori ni mmittettheni sa oMedesi.

Yesaya 30:14

Eyo enoopwexakaseya ntoko nivali; yoopwexiwa moota wooweera variyari wa mipattasaya khanimphwanyeyaru nivali noovalela mooro naari orikela maahi.”

Yeremiya 22:28

Mulopwana ola, Yehoyakini, ti ooramusiwa, mwaapu woophweeya, ekaruma ehintthuniwaru. Heeni owo ni anamwanaawe eneeraaya yoomoleliwe mweelaponi ahisuwenlaaya?

Yeremiya 25:34

Akukhuli, mvenye ni mukhuwele! Mphirikeye vantthupini, asitokweene a muhuwo! Niwoko nohoophiyerani nihuku na wiiviwawanyu ni na omwaraxiwawanyu; nyuwosa munoomora ni munoottikitthasiwa ntoko mapoottoro makhaanene.

Yeremiya 48:38

Mutaratoni moothemwene mwa oMowabe ni mmapuwani kheewo eriwo ohikhanle wiikhupanyera, niwoko koopwexakasa oMowabe ntoko nipoottoro nihinghaaweliwaru,” onghima Yave.

Yeremiya 50:17

Yixrayeli muhuwo woomwaraxiwa, woomoliwe ni amwatto. Opacenre omunyaanya aari mwene a wAsiriya; oomalihera opwexakasa makhuvaaya aari Nebukadenezari, mwene a oBabiloniya.”

Yeremiya 51:34

Nebukadenezari, mwene a oBabiloniya, ooninyaanya, oonipupurumiha, oonipaka exaaru yoohikhala etthu. Oonimira ntoko enowa, oonivona ni ikhaanikhaanisahu, ananirapheya.

Icipo Soolalamika 2:16

Amwiittanaawo ootheene angwaathamela weyo; awosa anootthebwa, ekhuurihaka maino, yeeraka: “Hiyo noomunyaanya. Nna ti nihuku naawehereraahu ni moone, ehuhu yoophiya!

Icipo Soolalamika 2:2

Yave oonyaanya moomakamwawe moothemwene wa Yakobe, ahimorelaka ikharari; musaranimwawe oophwata mapuro oolipaxa a mwaana muthiyana a oYuda. Oomphwatela vathi anaverula omwenaawe ni ahoolelaawe.

Icipo Soolalamika 2:5

Yave ori ntoko mwiittana; Owo oonyaanya oYixrayeli. Oonyaanya impasawe sootheene sa emwene aphwataka moolipamwawe, ohaandyeerera wiikhupanyera ni olalamika wa mwaana muthiyana a oYuda.

Icipo Soolalamika 4:2

Anamwane asilopwana oottittimiheya a oSiyoni, khalayi yooneleyamo ntoko eyuuma yoorikaxa, olelo anooneliwa ntoko iyoopwe, muteko wa matata a namoopa!

Icipo Soolalamika 5:2

Yoohiyeriwaahu ahinnyereriwa amalapo, impasahu ahinnyereriwa anamarwa.

Ezekiyeli 36:3

Tivawo, muthalihere otthuna wa Muluku ni mweere weera Yave onlamula sootheene, ‘Oneera ha: Awosa yaahoophwatani, enoottharelelasani mmapuroni moothemwene, moota wooweera nyuwosa moothatuwa okhala a miloko sincipale ni ethoonyero ya mutheelelo woonanara ni ya onawunawu wootheene.

Levitiku 26:33

Kinimoomwaraxelani variyari wa miloko ni kinimootheteelani ekatanaaka. Elapwaanyu enoothaamiwa ni isidadesanyu sinookhala ittuxoru.

aRooma 9:22

Nnihime eheeni hiyo, Muluku atthuna woonihera isarasawe ni asuweliha ikurusawe? Owo oovilela ni oweherera otokotoko nyaapu sa isarasawe sipakeliwe ophwata.

Deuteronomiyo 28:25

Yave onimoopakihani weera nyuwo ngwiniwe ni amwiittanaanyu. Nyuwosa mmwaarowele ephiro emoharu, mene mmwaamwareye, soottiihakani iphumu imwene sootheene sa elapo ya vathi.

Deuteronomiyo 28:64

Vano Yave onimoomwaraxelani mmilokoni sa mipatta sootheene sa elapo. Weiwo mmwalape miluku sikina sipakiwe sa mwiri ni maluku mwa seiyo nyuwosa hata makholowaanyu mwahaasuwenlaanyu.