Hoxeya 8:14 - Emakhuwa Bible

¹⁴ oYixrayeli woomuttiwala Mvuluxaaya, onateka impa sa emwene; oYuda woolipiha isidade sincipale. Vaheera Miyo kinoorumihela mooro musidadenimwaya oneera olalihe moolipamwaya.”

Hoxeya 8:14 Iomraidhean Croise

1 Mamwene 12:31

Yerobowami aateka mapuro ootteela vanttumuxani anaakhaliha asaserdoti* variyari wa atthu oohiyanahiyana, yaaroohikhalaru aLeevi.

1 Mamwene 16:31

Aatthara soottheka sa Yerobowami ni wootepaxa aamuthelatho Yezebeli, mwaana muthiyana a Etibahali, mwene a aSidoni, anapacera omurumeela ni omulapa Bahali*.

2 Mamwene 18:13

Vayaakhani yanaamuloko niixexe ya olamula wa Hizekiya, Senakeribi, mwene a wAsiriya, aawanano isidade soolipihiwa sootheene sa oYuda, anakuxa.

2 Nyaha 26:10

Aatekatho itoore* munikareni, anathipa ihime sincipale, niwoko owo aakhalano mihuwo sincipale vathi vathi wa mmattumuxani ni munghawalawani. Owo aakhalano anamiteko mmattamwawe ni imatta sa iwuuvasawe, mmattumuxani ni muthaadyirani, niwoko wannamusivela olima.

2 Nyaha 27:4

Aateka isidade mmanyaakoni sa oYuda, mpakatho aapaka ntuphini itoore* soolipa ni sootthawelamo.

Icipo 106:21

Yaamuttiwala Muluku Mvuluxaaya, mwa Yoowo aapanke itthu sitokotoko wExipitu;

Icipo 95:6

Nrowe, nilape ekokhorelo ohoolo wa Yave Mpattuxaahu,

Yesaya 17:10

Moomuttiwala Muluku Mvuluxaanyu; khamummuupuwelela Mwala ori Nipuronanyu Noolipaxa. Tivawo, naari mphatteyaka nyiri sooreerela ni imatta sa iwuuva* sa ilapo sikina,

Yesaya 29:23

Awosa yaawoonaka anamwanaaya eriyaraaya – muteko wa matataaka – vano anoolaleiya Nsinanaka ntoko Nootteela; awosa animwaakhulela weera Muluku a Yakobe ti Ootteela ni anoopwaherera emuttittimihaka Muluku a oYixrayeli.

Yesaya 42:13

Yave onoovenya ntoko mulopwana oowera, ntoko nakhotto ooweraxa onootannya nthitinawe; onimwaawina amwiittanaawe ni okhuwelela wa ekhotto.

Yesaya 42:25

Tivawo aayeehenraawe oYixrayeli onyoonyiwawawe, eyo tiiyo nipuhero na ekhotto. Eyo yaarica ni malumi a mooro, hata hiiho khooxuttenre; eyo yaahisa, mene khawaapwatthenle.

Yesaya 43:21

muloko kiipakenlaaka weera owo olaleiye ottottopeleyawaka.

Yesaya 9:10

“Indyerwa soomora, mene hiyo nnoorasela ni maluku ookheriwa; nyiri sa efiigu* sohuuhiwa, mene nnoottiyattiyera ni nyiri sa esedari*.”

Yesaya 9:9

Atthu ootheene anoosuwela yeeyo – awErayimi ni amaki a oSamariya, mwa yaawo aneera ni murima woowiixoona ni woowiikuxa:

Yeremiya 17:27

Vaheera mwaahikiiwa muhitteelihaka eSaabadu, mvirihaka yoolemela mmilakoni sa oYerusaleemu vanihukuni na eSaabadu, vano kinoopattiha mooro woohimala mmilakonimwaya oneera ohise moolipamwaya oYerusaleemu.’ ”

Yeremiya 2:32

Weeraka mwaamwali onimwaattiwala axiveevaawe hoye hoye, ootthomeriwa soowarelasawe? Wa soothesene, mulokwaaka wookittiwala mahuku ootheene.

Yeremiya 23:27

Awosa anuupuwela weera sooloha anthaliheranaaya mukina ni mukhwaawe anoottiwaliha muloko Nsinanaka, hiiho ntoko makholowaaya yaattiwanlaaya Nsinanaka mwaha wa omulapa Bahali*.

Yeremiya 3:21

Okhuwela oniiwanyeya vanttumuxani, wiinla ni odyoonttelela wa muloko wa oYixrayeli, niwoko waathanla iphiro sookhoromana omuttiwalaka Yave Mulukwaaya.

Yeremiya 5:17

Awosa anoomira soohephasanyu ni soocasanyu; animwaamira anamwaniinyu asilopwana ni asithiyana; anoomira imombesanyu ni ikhondoolosanyu, imattasanyu sa iwuuva* ni nyiri sa efiigu*. Awosa anoophwata ni ekatana isidade soolipihiwa mwa seiyo munroromelaanyu.

Ezekiyeli 23:35

Vano Yave onlamula sootheene oneera ha: Mweenre nyuwo mukittiwala Miyo, munakirera ettuli, munoohaawa niwoko na otakhalawanyu ni opuutaanyu.”

Hoxeya 13:6

Miyo kaacihasaaka, yaamvona; yaavonasaaya, yaamwiixoona, enakittiiwala.

Hoxeya 2:13

Miyo kinimwaattaruxela mahuku yaahisenraaya aBahali* erubani*; awo yaahiiphwanelihano annela ni axiveeve, enaatthara yaawo anaakonanaaya, vaheera yaakittiwala Miyo,” onghima Yave.

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Amosi 1:10

Tivawo kineeraaka kihise ixiri sa oTiro ni malumi a mooro anoolaliha moolipamwaya.”

Amosi 1:12

Tivawo kineeraaka kirumihele mooro oTemani, olaliheke moolipamo mwa oBozera.”

Amosi 1:14

Tivawo kineeraaka kirumihele mooro ixiri sa oRaba olaliheke moolipamwaya. Vano vanihukuni na owana onimwiiwanyeya okhuweliwa wa ekhotto, yoopaxaka epheyo yoowuupaxa vanihukuni na ettheku.

Amosi 1:4

kinoohisa empa ya Hazayeli, ni malumi a mooro anoolaliha moolipamo mwa Ben-Hadade.

Amosi 2:5

Tivawo kineeraaka kirumihele mooro oYuda, olaliheke moolipamo mwa oYerusaleemu.”

awEfeso 2:10

Vano, nri ephattuwelo ya Muluku, epakiwe mwa Kristu Yeesu weera nipake miteko sooreera, mwa seiyo Muluku onirehererenlaawe toko weera hiyo nivareke.

Deuteronomiyo 32:18

Mwaamuhiya Mwala mwa Yoowo ooyanreni; mwaamuttiwala Muluku oopattunxeni.